សង្ឃឹមឡើងទៅកាន់វគ្គបន្តរបស់ក្រុមអ្នកមានបុណ្យ Barcelona ហាក់បីដូចជារលាយទៅបន្តិចម្តង ដោយកាលពីយប់មិញបានត្រឹមតែស្មើគ្នា ០-០ ជាមួយ Benfica តែប៉ុណ្ណោះ។
បច្ចុប្បន្ន Barcelona ស្ថិតនៅក្នុងពូល E ដោយឆ្លងកាត់ ៥ប្រកួតកន្លងទៅ Barcelona មានតែ៧ពិន្ទុប៉ុណ្ណោះ តាមពីក្រោយដោយក្រុមលេខ ៣ Benfica មាន៥ពិន្ទុ។ ដោយឡែក Bayern Munich ពួកគេបានឡើងទៅកាន់វគ្គ ១៦ក្រុមរួចជាស្រេចហើយ ស្របពេលដែល Dynamo Kyiv ក៏ធ្លាក់ចេញផងដែរ។
នៅប្រកួតចុងក្រោយ ក្រុម Barcelona ត្រូវធ្វើការធ្ងន់ដោយត្រូវប៉ះជាមួយក្រុម Bayern Munich នៅក្នុងទឹកដីអាល្លឺម៉ង់ថែមទៀត។ គួរបញ្ជាក់ផងដែរថា ប្រសិនបើ Barcelona ចាញ់ Bayern Munich រួចហើយ Benfica ឈ្នះ Dynamo Kyiv នោះ ក្រុមអ្នកមានបុណ្យ Barcelona នឹងទៅលេងក្របខណ្ឌលំដាប់ទី២ UEFA Europa League៕
