ថ្លើម គឺជាសរីរាង្គបន្សាបជាតិពុលដ៏ធំបំផុតនៅក្នុងខ្លួន បើថ្លើមខូច វានឹងប៉ះពាល់ដល់សុខភាពរបស់អ្នកយ៉ាងធ្ងន់ធ្ងរ ជាពិសេសនៅពេលដែលមានជាតិពុលច្រើននៅក្នុងថ្លើម រាងកាយនឹងមានការបង្ហាញដូចខាងក្រោម៖
– ភាពមិនប្រក្រតីនៃក្រចក
ក្រចករបស់អ្នកដែលមានសុខភាពល្អជាធម្មតាមានពណ៌ផ្កាឈូករលោង ផ្ទុយពីអ្នកដែលមានជំងឺថ្លើមដែលច្រើនតែមានផ្ទៃក្រចករដុប ចង្អូរវែងៗលេចធ្លោចេញជាច្រើន។
– ការស្រកទម្ងន់ដែលមិនអាចគ្រប់គ្រងបាន
ការស្រកទម្ងន់ខុសប្រក្រតី គឺជាសញ្ញាមួយដ៏គួរឱ្យព្រួយបារម្ភ ការថយចុះមុខងារថ្លើមនឹងធ្វើឱ្យអ្នកស្រកទម្ងន់ ដោយអ្នកមិនបានតមអាហារ និងមិនហាត់ប្រាណ។
– មាត់ស្ងួត
ពេលភ្ញាក់ពីគេងពេលព្រឹកមានអារម្មណ៍ស្ងួតមាត់ ក៏ជាសញ្ញាមួយដែលបញ្ជាក់ថាអ្នកអាចនឹងកើតមាននូវបញ្ហាថ្លើមផងដែរ ។
– អស្ថិរភាពអារម្មណ៍ , ការគេងមិនលក់
ថ្លើមក៏មានទំនាក់ទំនងជាក់លាក់ចំពោះការផ្លាស់ប្តូរអារម្មណ៍ផងដែរ ភាពតានតឹង និងកំហឹងអាចបំផ្លាញថ្លើម ដែលជាតិពុលច្រើនពេកនៅក្នុងថ្លើមក៏អាចបណ្តាលឱ្យអារម្មណ៍របស់មនុស្សផ្លាស់ប្តូរផងដែរ។
ប្រសិនបើថ្លើមមិនអាចបំប្លែងជាតិពុល និងដកសារធាតុទាំងនេះចេញពីរាងកាយបានទេ វានឹងបង្កឱ្យមានបញ្ហាប្រព័ន្ធ endocrine ប៉ះពាល់ដល់សរសៃប្រសាទ និងកាត់បន្ថយគុណភាពនៃការគេង។
– ឡើងមុនច្រើន
ប្រសិនបើអ្នកមានរបបអាហារ និងរបៀបរស់នៅមិនល្អ ជាតិពុលកកកុញក្នុងថ្លើមកាន់តែច្រើន ការកកើតមុនក៏អាចនឹងងាយលេចចេញឡើងមកកាន់តែច្រើនផងដែរ ។
– ស្បែករមាស់
cholangitis បឋម – ជំងឺរ៉ាំរ៉ៃដែលបំផ្លាញបំពង់ទឹកប្រមាត់នៅក្នុងថ្លើម ជារឿយៗមិនមានរោគសញ្ញាលេចចេញនោះទេ តែវាសញ្ញាដំបូងទូទៅមួយក្នុងចំណោមអ្នកកើតជំងឺនេះគឺស្បែករមាស់។
– ស្បែកលឿងភ្នែកលឿង
ដោយវា គឺជារោគសញ្ញាធម្មតានៃជំងឺថ្លើម ដោយសារតែកម្រិតខ្ពស់នៃ bilirubin នៅក្នុងខ្លួន ដែលជារោគសញ្ញាព្រមាននៃជំងឺដែលទាក់ទងនឹងថ្លើមជាច្រើនដូចជា ជំងឺរលាកថ្លើមប្រភេទ B និងក្រិនថ្លើមជាដើម ។
អត្ថបទដោយ៖ សុផានីត