ក្រោយពីភ្នំពេញក្រោនបានត្រឹមតែស្មើគ្នាជាមួយវិសាខាកាលពីចុងសប្តាហ៍កន្លងទៅ ធ្វើអោយការស្វែងរកម្ចាស់ជើងឯកលីគកំពូលកម្ពុជាអូសបន្លាយដល់សប្តាហ៍ចុងក្រោយនេះ។
ក្នុងនោះនៅសល់តែ៣ក្រុមប៉ុណ្ណោះដែលកំពុងប្រជែងគ្នាយកពានរង្វាន់ក្នុងរដូវកាលនេះ រួមមានភ្នំពេញក្រោន វិសាខា និងព្រះខ័នរាជស្វាយរៀង។ ឆ្លងកាត់ ១៨ប្រកួត នៃក្របខណ្ឌលីគកំពូលកម្ពុជា រដូវកាល ២០២១ ភ្នំពេញក្រោនកំពុងឈរលេខ១ មាន៤១ពិន្ទុ ខណៈវិសាខា ឈរលេខ២ មាន៣៩ពិន្ទុ និងព្រះខ័នរាជស្វាយរៀង ឈរលេខ៣ មាន ៣៩ពិន្ទុ។ 
ដោយកាលប្រកួតចុងក្រោយនឹងធ្វើឡើងនៅចុងសប្តាហ៍នេះ ដើម្បីសម្រេចតើក្រុមណាជាជើងឯកលីគកំពូលកម្ពុជានៅរដូវកាលថ្មីនេះ។
- ភ្នំពេញក្រោន ត្រូវការឈ្នះបឹងកេតនៅប្រកួតបន្ទាប់ ដាច់ខាតនោះនឹងលើកពាន
- វិសាខា ត្រូវការឈ្នះទ័ពដាច់ខាត ហើយចាំមើលភ្នំពេញក្រោន ចាញ់ឬស្មើបឹងកេតសិន នោះទើបអាចឈ្នះពានបាន
- ព្រះខ័នរាជស្វាយរៀង ត្រូវឈ្នះប្រកួតចុងក្រោយទល់នឹងអង្គរថាយហ្គឺដាច់ខាត ហើយតម្រូវឱ្យ ភ្នំពេញក្រោនចាញ់ឬស្មើបឹងកេត ហើយជាមួយគ្នានោះត្រូវវិសាខាស្មើឬចាញ់ទ័ព
