កាលពីយប់មិញ ក្រុមម្ចាស់ផ្ទះព័រទុយហ្គាល់ បានបរាជ័យ ក្រោមថ្វីជើងក្រុមស៊ែប៊ី ១-២ ធ្វើអោយម្ចាស់ជើងឯក EURO 2016 នេះធ្លាក់ទៅកាន់វគ្គ Playoff។
នៅក្នុងការប្រកួតនេះ ខ្សែបម្រើ Renato Sanches បានស៊ុតបើកការនាំំមុខមុនតាំងពីនាទី ២ អោយព័រទុយហ្គាល់ មុនពេលដែល Tadic រកគ្រាប់បាល់តាមស្មើមកវិញនៅនាទី ៣៣។ លុះឈានដល់វគ្គទី២ ការប្រកួតនេះបានអូសបន្លាយរហូតដល់នាទី ៩០ ទើបខ្សែប្រយុទ្ធ Mitrovic បន្ថែមគ្រាប់ទី ២ ជួយអោយ ស៊ែប៊ីកក់កៅអីនៅ World Cup 2022។
បរាជ័យនេះ បានធ្វើអោយព័រទុយហ្គាល់ធ្លាក់ទៅលេងវគ្គ Playoff ដើម្បីដណ្តើមយកកៅអី World Cup 2022 ជាបន្តទៀត។ គួរបញ្ជាក់ផងដែរ ការប្រកួតជម្រុះ World Cup 2022 នៅតំបន់អឺរ៉ុប នៅក្នុងមួយពូលគេយកតែមួយប៉ុណ្ណោះ ដោយក្រុមនៅលេខ២ ត្រូវប្រកួត Playoff ជាបន្ត។ 
ឆ្លងកាត់ការប្រកួត៨លើកកន្លងទៅ នៅក្នុងពូលAនេះ ស៊ែប៊ីឈរនៅលេខ ១មាន ២០ពិន្ទុ ដោយព័រទុយហ្គាល់ឈរនៅលេខ២ មានត្រឹមតែ១៧ពិន្ទុប៉ុណ្ណោះ៕
