រាជធានីភ្នំពេញ៖ គិតត្រឹមព្រឹកថ្ងៃទី២៨ ខែតុលា ឆ្នាំ២០២១ នៅចំពោះមុខ ស្ថានភាពជំនន់ទឹកស្ទឹងព្រែកត្នោត ដែលបានវាយលុកក្នុងខណ្ឌមួយចំនួនក្នុងរាជធានីភ្នំពេញ នៅបន្តវាយវាយលុកឥតស្រាកស្រាន្ដដោយទឹកជំនន់ឆ្នាំនេះគឺវាសភាពជន់លិចធំជាងឆ្នាំណាទាំងអស់ ខណៈមានវត្តស្ថិតនៅរាជធានីភ្នំពេញ មានការលិចលង់រហូតដល់ត្រឹម.ក ដែលបានធ្វើឲ្យព្រះសង្ឃ រួមទាំងអ្នកស្នាក់អាស្រ័យត្រូវជម្លៀសខ្លួនទៅរកទីទួលជាបន្ទាន់។
បើតាមការឲ្យដឹងតាមរយៈបណ្ដាញព័ត៌មានបានឲ្យដឹងថា វត្តដែលកំពុងជន់លិចយ៉ាងធ្ងន់ធ្ងរនោះគឺជាវត្តត្តរតនៈតេជៈកំពង់ក្ដុល ស្ថិតនៅសង្កាត់សាក់សំពៅ ខណ្ឌដង្កោ រាជធានីភ្នំពេញ ខណៈព្រះសង្ឃគង់ក្នុងវត្ត អាចប្រឈមនឹងហានិភ័យ ខ្វះចង្ហាន់ ក្រោយទឹកជំនន់បានជន់លិចកាន់តែខ្លាំង ។
ជំនន់នៅស្ទឹងព្រែកត្នោត កាន់តែបន្តកើនឡើង ផងដែរ ។ ជាមួយគ្នានេះ តាមប្រភពព័ត៌មាន បានឲ្យដឹងថា វត្តចំនួន៦នៅក្នុងភូមិសាស្ត្រខណ្ឌដង្កោ ត្រូវទឹកលិចលង់ ។ វត្តអារាមនៅតាមដងស្ទឹងព្រែកត្នោត ស្ថិតក្នុងភូមិសាស្ត្រខណ្ឌដង្កោ គឺមានវត្តចំនួន៦បានទទួលរងនូវការលិចលង់គឺមានវត្ត ៖
១. វត្តសាក់សំពៅ
២. វត្តចំការខ្សាច់
៣. វត្តព្រែកជ្រៃ
៤. វត្តហារាម
៥. វត្តទឹកថ្លា
៦. វត្តកំពុងក្តុល ៕
