រដ្ឋធានីញូវដេលី៖ បុរសម្នាក់ ចង់បានទ្រព្យសម្បត្ដិខាងប្រពន្ធ ក៏រៀបចំគម្រោងសម្លាប់ប្រពន្ធរបស់ខ្លួន ដោយពស់វែង មកធ្វើជាអាវុធ សម្រាប់បំភ័ន្ដភ្នែកប៉ូលិសឥណ្ឌា ប៉ុន្ដែទង្វើដ៏លាមកនោះ មិនអាចបិទបាំងបាន ក៏ត្រូវបានតុលាការ រកឃើញទោសកំហុស សម្រេចកាត់ទោសដ៏កម្រ ដាក់ក្នុងពន្ធនាគារ អស់រយៈពេល២ជីវិត ក្រោមការចោទប្រកាន់ ពីបទ «ឃាតកម្ម»។
សារព័ត៌មាន BBC បានចេញផ្សាយ នៅថ្ងៃទី២០ ខែតុលា ឆ្នាំ២០២១ ថា បុរសជនជាតិឥណ្ឌាម្នាក់ កាលពីសប្តាហ៍មុន ត្រូវបានតុលាការ កាត់ទោសដ៏កម្រ សម្រេចឲ្យជាប់ពន្ធនាគារ អស់រយៈពេល២ជីវិត ពីបទសម្លាប់ប្រពន្ធរបស់គាត់ ដោយប្រើពស់វែក ឲ្យខាំនាង។ ជនជាប់ចោទ Soutik Biswas និង Ashraf Padanna បានរួមគ្នាបង្កើតព្រឹត្តិការណ៍នេះ រហូតឈានដល់មានអំពើឃាតកម្មដ៏សាហាវមួយ។
ជនជាប់ចោទ Suraj និង នាង Uthra បានជួបគ្នា កាលពីពីរឆ្នាំមុន តាមរយៈអ្នកបម្រើសេវាកម្មអាពាហ៍ពិពាហ៍។ ចំណែកឪពុករបស់ Suraj ជាអ្នកបើករ៉ឺម៉កម៉ូតូ ហើយម្តាយរបស់គេ ជាមេផ្ទះ។ ដោយឡែក Uthra មានអាយុតិចជាងជនជាប់ចោទ៣ឆ្នាំ។ ចំណែកឪពុករបស់នាងជាឈ្មួញកៅស៊ូ និងម្តាយជានាយកសាលាចូលនិវត្តន៍។
មន្រ្ដីស៊ើបអង្កេត បានបញ្ជាក់ថា នៅពេលគូស្វាមីភរិយានេះរៀបការ លោក Suraj បានទទួលថ្លៃបណ្ណាការ ពីឪពុកម្តាយរបស់ Uthra នូវមាសទម្ងន់៧៦៨ក្រាម (មានតម្លៃប្រហែល ៣២ ០០០ ដុល្លារ) រថយន្តស៊ុយហ្ស៊ូគីមួយគ្រឿង និងលុយ៤០ម៉ឺនរូពី។ ក្រៅពីនេះ ជនជាប់ចោទ ក៏បានទទួលប្រាក់ចំនួន ៨ ០០០ រូពី ក្នុងមួយខែ ពីឪពុកម្តាយខាងស្រី សម្រាប់ការមើលថែកូនស្រីរបស់ពួកគេ ថែមទៀតផង។
មន្រ្ដីដដែល បានបន្ដថា ក្រោយពេលរៀបការរួច ជនជាប់ចោទបែកគំនិតអាក្រក់ ចង់សម្លាប់ប្រពន្ធ ដើម្បីយកទ្រព្យ។ លុះមកដល់ខែតុលា ឆ្នាំ២០២០ ជនជាប់ចោទ Suraj Kumar
បានចំណាយលុយចំនួន៧ ០០០រូពី ឬស្មើនឹង៩២ដុល្លារ សម្រាប់ទិញពស់វែក។ ចំណែកការជួញដូរពស់ ជាអំពើខុសច្បាប់ នៅក្នុងប្រទេសឥណ្ឌា។ ប៉ុន្ដែ Suraj បានទិញ ដោយសម្ងាត់ពីអ្នកចាប់ពស់ឈ្មោះ Suresh Kumar នៅរដ្ឋ Kerala ភាគខាងត្បូង ឥណ្ឌា។
មន្រ្ដីស៊ើបអង្កេត បានបន្ថែមថា ជនជាប់ចោទ Suraj Kumar បានចោះប្រហោងដបប្លាស្ទីក សម្រាប់ធ្វើឲ្យមានខ្យល់ចេញចូល ហើយដាក់ពស់វែង នៅក្នុងនោះ រួចយកវាទៅដាក់ នៅក្នុងផ្ទះ។ ប៉ុន្ដែ៣០ថ្ងៃក្រោយមក គេបានយកដបដាក់ពស់នោះ ច្រកចូលក្នុងថង់ ហើយយកទៅទុក នៅក្នុងផ្ទះឪពុកក្មេករបស់ខគេ ដែលមានចម្ងាយ៤៤គីឡូម៉ែត្រ ជាកន្លែងដែលប្រពន្ធរបស់គាត់ ឈ្មោះ Uthra បានជាសះស្បើយពីពស់ចឹក។
មន្រ្ដីស៊ើបអង្កេត បានបន្ដថា រហូតមកដល់យប់ ថ្ងៃទី៦ ឧសភា ឆ្នាំ២០២១ ខណៈនាង Uthra បានជាសះស្បើយ នាងបានទទួលទឹកផ្លែឈើមួយកែវ ពី Suraj ជាប្ដី ដែលមានដាក់ថ្នាំបំបាត់ការឈឺចាប់។ ក្រោយមក Suraj បានយកធុង ដែលដាក់ពស់វែកនោះ ចេញមក ហើយក្រឡាប់វា និងទម្លាក់ពស់ប្រវែង៥ហ្វីត មកលើប្រពន្ធ ដែលកំពុងដេកយ៉ាងលង់លក់។
ប្រភពព័ត៌មានដដែល បានបន្ដថា ក្រោយពេលពស់ចឹកនាង Uthra ហើយ ពស់បានលូនចេញ។ ប៉ុន្ដែ Suraj ជាប្ដីដ៏គម្រក់នេះ បានយកពស់នោះ មកដល់ពីលើប្រពន្ធ ឲ្យចឹកបន្ដទៀត។ Suraj បានព្យាយាម ធ្វើបែបនេះ ចំនួន៣លើក។ ប៉ុន្ដែភ្លាមៗនោះ ក្រុមគ្រួសារ និង ឪពុកម្ដាយរបស់ Uthra បានប្រញាប់បញ្ជូននាងទៅកាន់មន្ទីរពេទ្យ ហើយត្រូវបានក្រុមវេជ្ជបណ្ឌិត អះអាងថា នាងបានស្លាប់ដោយសារជាតិពឹស ហើយរាយការណ៍ទៅប៉ូលិស។
បើតាមរបាយការណ៍ធ្វើកោសល្យវិច័យ បានរកឃើញ មានស្នាមរបួស ចំនួនពីរគូ ដែលមានចម្ងាយតិចជាង មួយអ៊ីញ នៅកំភួនដៃខាងឆ្វេងរបស់ស្រ្ដីរងគ្រោះ។ ចំណែកសំណាកឈាមនិងប្រដាប់ភេទ បានបង្ហាញពីវត្តមានរបស់ពិសពស់វែក និងថ្នាំបំបាត់ការឈឺចាប់។ ពស់វែកពស់វែក អាចសម្លាប់ក្នុងរយៈពេលជាច្រើនម៉ោង ដោយធ្វើឱ្យសាច់ដុំដង្ហើមខ្វិន ឬមិនអាចដំណើរការបាន។ តាមរយៈកោសល្យវិច័យនេះ ប៉ូលិសជំនាញ ធ្វើការស៊ើបអង្កេត ទៅតាមជំនាញរបស់ខ្លួន រហូតស្វែងរកការពិតឃើញ ហើយនាំជនជាប់ចោទយកទៅកាន់ទោស ដាក់ពន្ធនាគារ អស់រយៈពេល២ជីវិត៕