ប្រទេសឡាវ៖ ខ្សែបណ្តាញអគ្គីសនីនៃប្រព័ន្ធរថភ្លើងល្បឿនលឿននៅក្នុងប្រទេសឡាវ ត្រូវបានពលរដ្ឋក្នុងភូមិមួយស្ថិតនៅក្នុងស្រុកណៃសាយថង ប្រទេសឡាវ លួចកាត់ខ្សែភ្លេីងយកទៅលក់បន្ត បណ្ដាលឲ្យឆក់ស្លាប់អស់ម្នាក់។ នេះបើយោងតាមការចុះផ្សាយរបស់សារព័ត៌មាន Laotiantimes ។
ហេតុការណ៍នេះបានកើតឡើងកាលពីថ្ងៃអាទិត្យ ទី១៧ ខែតុលា ឆ្នាំ២០២១ ស្ថិតនៅក្នុងភូមិចេងសាវាង ស្រុកណៃសាយថុង ប្រទេសឡាវ នៅពេលដែលបុរសម្នាក់រស់នៅក្នុងតំបន់បានប៉ុនប៉ងកាត់ខ្សែភ្លើង ដោយគេសន្មតថា គាត់លួចកាត់ក្នុងគោលបំណងយកទៅលក់ឲ្យអេតចាយ។
យោងតាមកាសែតសេដ្ឋកិច្ច និងសង្គមបានឲ្យដឹងថា បុរសរូបនេះបានរងរបួសធ្ងន់ដោយសារចរន្តអគ្គិសនីរលាកជើង ដោយភ្លាមៗនោះនៅនឹងកន្លែង។
ប្រព័ន្ធអគ្គិសនី និងបណ្តាញបញ្ជូនតាមបណ្តោយផ្លូវដែកឡាវ-ចិនបានផ្សាយផ្ទាល់កាលពីខែសីហា កន្លងទៅថ្មីៗនេះដោយបានណែនាំសាធារណជនឱ្យនៅឱ្យឆ្ងាយពីឧបករណ៍អគ្គិសនី តំបន់តង់ស្យុងខ្ពស់ដែលមានគ្រោះថ្នាក់អាចលាតសន្ធឹង ២០ ម៉ែត្រជុំវិញខ្សែកាបបញ្ជូន។ ប្រជាពលរដ្ឋដែលរស់នៅក្បែរផ្លូវដែកឡាវ-ចិនត្រូវបានណែនាំឱ្យនៅឱ្យឆ្ងាយពីខ្សែបញ្ជូន ខណៈពេលឆ្លងកាត់ផ្នែកណាមួយនៃផ្លូវដែកលើកលែងតែការឆ្លងកាត់ដែលមានការអនុញ្ញាតត្រូវបានហាមឃាត់។
រថភ្លើងដឹកអ្នកដំណើរដំបូងដែលធ្វើដំណើរតាមបណ្តោយផ្លូវដែកឡាវ-ចិនបានមកដល់ប្រទេសឡាវកាលពីចុងសប្តាហ៍បន្ទាប់ពីនាយករដ្ឋមន្រ្តីឡាវ បានប្រកាសថាផ្លូវដែកឡាវ-ចិននឹងបើកដំណើរការជាផ្លូវការតាមកាលកំណត់សម្រាប់ទិវាជាតិឡាវនៅថ្ងៃទី២ ខែធ្នូ ឆ្នាំ២០២០ ៕
