រាជធានីភ្នំពេញ ៖ បុរសម្នាក់បានបើករថយន្តស៊េរីទំទើប១គ្រឿងម៉ាកRANGE ROVER ក្នុងល្បឿនលឿន និងសង្ស័យស្រវឹងស្រាផងនោះក៏រេចង្កូតបុកក្បាលនាគពុះចែកផ្លូវយ៉ាងពេញទំហឹង បណ្ដាលឲ្យថ្មក្បាលនាគខ្ទាតទៅប៉ះនិងម៉ូតូហុងឌ្រីមមួយគ្រឿង ដែលជិះដោយបុរសម្នាក់ក្នុងទិសដៅបញ្រ្ចាសគ្នារងរបួសស្រាល និងរងការខូចខាតបន្ថែមទៀត ។
តាមប្រភពព័ត៌មាន ពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរសម្នាក់វ័យប្រហែលជាង៣០ឆ្នាំ បើករថយន្តស៊េរីទំនើបម៉ាក RANGE ROVER ពណ៌ស ពាក់ស្លាកលេខ ភ្នំពេញ 2AH- 9998 ធ្វើដំណើរតាមបណ្ដោយផ្លូវជាតិលេខ២ ក្នុងទិសដៅពីត្បូងទៅជើង ក្នុងល្បឿនលឿន។ 
ក្រោយកើតហេតុ រថយន្តបង្ករត្រូវបានសមត្ថកិច្ចស្ទូចយកទៅរក្សាទុកនៅការិយាល័យនគរបាលចរាចរណ៍ជើងគោក នៃស្នងការដ្ឋានរាជធានីភ្នំពេញ ដើម្បីរង់ចាំដំណោះតតាមនីតិវិធី។ ចំណែកម្ចាស់ភាគីម៉ូតូត្រូវអ្នកបើករថយន្តបង្កចេញប្រាក់សំណង បញ្ចប់រឿងនៅនឹងកន្លែង៕
