ខេត្តកណ្ដាល៖ ថៅកែការ៉ាស់សាំង៣នាក់ ត្រូវបានសមត្ថកិច្ចចាប់វាយខ្នោះ ករណីលក់សាំងមិនគ្រប់លីត្រជូនប្រជាពលរដ្ឋ ហើយថែមទាំងគៃបំបាត់វត្ថុតាងទៀត។ ហេតុការណ៌ឃាត់ខ្លួននេះបានធ្វើឡើងនៅរសៀលថ្ងៃទី១៣ ខែតុលា ឆ្នាំ២០២១នេះ ស្ថិតនៅភូមិព្រែកខ្សេវ សង្កាត់រកាខ្ពស់ ក្រុងតាខ្មៅ ខេត្តកណ្តាល។

ទទួលបានព័ត៌មានថ្មីៗទាន់ហេតុការណ៍រាល់ថ្ងៃ សូមចូលទៅកាន់ Channel Telegram KBN News

ប្រភពព័ត៌មានច្បាស់ការណ៍មួយបានបង្ហើបអោយដឹងថានៅថ្ងៃទី១៣ ខែតុលា ឆ្នាំ២០២១ ក្រុមគណៈកម្មាធិការចម្រុះ មានកាំកុងត្រូល ប្រចាំខេត្ដកណ្តាល  និង កម្លាំងការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តកណ្តាល ដោយមានការដឹកនាំសម្របសម្រួលនិតិវិធីពី លោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្តកណ្តាល កាលពីថ្ងៃទី១២ ខែតុលា ឆ្នាំ២០២១ បានចុះទៅត្រួតពិនិត្យនៅចំណុចស្ថានីយ៍ប្រេងឥន្ទនៈតេលាដេប៉ូ ចាន់ធឿន និង ស្ថានីយ៍ប្រេងឥន្ទនៈតេលាដេប៉ូ ម៉ាក់ ម៉ីម៉ី ដែលស្ថិតនៅភូមិព្រែកខ្សេវ សង្កាត់រកាខ្ពស់ ក្រុងតាខ្មៅ ខេត្តកណ្តាល ហើយក៏បានពិនិត្យឃើញថា មានករណីមិនប្រក្រតីមួយចំនួន ហើយសមត្ថកិច្ចក៏សម្រេចធ្វើការឃាត់ខ្លួនម្ចាស់ទីតាំង ដើម្បីចាត់ការតាមផ្លូវច្បាប់។

របាយការណ៌របស់សមត្ថកិច្ចបានបញ្ជាក់ឲ្យដឹងថា ជនសង្ស័យទី១ ឈ្មោះ ហ៊ុយ សុខហ៊ាង ភេទប្រុស អាយុ៤០ឆ្នាំ ទី២ ឈ្មោះ នុត វាន់ឌឿន ភេទប្រុស អាយុ៤៦ឆ្នាំ និង ទី៣ឈ្មោះ ថូ សុផាត ភេទប្រុស អាយុ៣៨ឆ្នាំ ។

ប្រភពព័ត៌មានដដែលបានបន្តថា ដេប៉ូ ម៉ាក់ ម៉ីម៉ី ប្រេងសាំងធម្មតា ខ្វះ៧លីត្រ ក្នុង១០០លីត្រ ។ ប្រេងសាំស៊ុបពែរ ខ្វះ៨,៨លីត្រ ក្នុង១០០លីត្រ​និង ប្រេងម៉ាស៊ូត ខ្វះ៥,០៥លីត្រ ក្នុង១០០លីត្រ ។

ចំណែកដេប៉ូ ចាន់ ធឿន រកឃើញ ប្រេងសាំងធម្មតា ខ្វះ៥,៣លីត្រ ក្នុង១០០លីត្រ ។ ប្រេងសាំងស៊ុបពែរ ខ្វះ៥,៨លីត្រ ក្នុង១០០លីត្រ និង ប្រេងម៉ាស៊ូត ខ្វះ៦,១៥លីត្រ ក្នុង១០០លីត្រ ទើបសមត្ថកិច្ចបានធ្វើការបិទ សៀល ទៅលើដៃបូមប្រេងឥន្ទនៈ និងផ្អាកជាបណ្តោះអាសន្ន នូវអាជីវកម្មរបស់ដេប៉ូ ប្រេងឥន្ទនៈទាំង២នេះ។

លុះដល់ថ្ងៃទី១២ ខែតុលា ឆ្នាំ២០២១ ឈ្មោះ ហ៊ុង សុខហ៊ាង បានមកដល់ចំណុចស្ថានីយ៍ប្រេងឥន្ទនៈតេលាដេប៉ូ ចាន់ ធឿន របស់ខ្លួន ហើយក៏បានយកកន្ត្រៃមកធ្វើការកាត់ផ្តាច់ខ្សែលួស ឬ សៀលដើម្បីធ្វើការបើក លក់អាជីវកម្មរបស់គាត់ជាធម្មតាវិញ។ ចំណែកឈ្មោះ ថូ សុផាត នៅថ្ងៃទី១២ ខែតុលា ឆ្នាំ២០២១ បានយកកន្ត្រៃមកកាត់ខ្សែលួស ឬ សៀលដែលសមត្ថកិច្ចបានបិទនោះ ដើម្បីបើក លក់អាជីវកម្មជាធម្មតាវិញដែរ។ ភ្លាមៗនោះ ក្រុមគណៈកម្មាធិការចម្រុះបានចុះទៅបិទអាជីវកម្មម្តងទៀត និង នាំខ្លួនជនទាំង៣នាក់នោះ មកស្នងការដ្ឋាននគរបាលខេត្តកណ្តាល ដើម្បីធ្វើការសាកសួរតែម្តង ៕

https://blogger.googleusercontent.com/img/a/AVvXsEhTnxK2iuJbQmBVA1I-5MMO0dNLVIdaXB46KFZQoXOWbmfYiU1NHjL4W31zWNiDNv3aPiK65Dl1vQcRQ2w8x8ijBeJCIuyRvNdfL13ivHekRg9AIqaXHTnn5vR7nvZuwJSdcuVHs9r9IWPzEUXqfDfELBTjl-HYcoU_QLOms6ykUiCjjjDkYdBrGE5N=s1280

https://blogger.googleusercontent.com/img/a/AVvXsEiuzQ5y1fadhb4ghuQQz1fOqlSrBlNUnAXxGXMlYE6MGPJOsS6PMHDEJh1Hi-UyApXhWoWMFyO0CUjs4f3FIxMbbeFylESgze9q-7-Oqsu0FGYvgX4VOWIIQjjMPmgnZWxRiXqBzzGKM6bDbgGIRkR2adlqWQ4-9BCWunbN_s-FAQeNBwVwZbBqEAZI=s1280https://blogger.googleusercontent.com/img/a/AVvXsEh12BgqRUkhbJO1-iaow1N73HsHzSAGz7U_X8xhA9oPaWqBTQiXelSZ3GTZ3lOZs3MSeHOtBtECES5GagQIGXRiNWwsk18J7PgDLIQnhHW1BXwliNeNNWdaGUSH8MHGeCyY9U_P-ksyRrjzORDOtfXuC4bPX5b-CYoo9lwN8vXhthEiHYmM9SMPNz_v=s1280

https://blogger.googleusercontent.com/img/a/AVvXsEgiyMJ3dvySki2AXqwOVBXOCmtvYwgcQgkTnMRLPeAiaacJ44NWFq1un1_KLIgpl4ZDGIC1nlBo1pI4bhqgTwDCHTw2XkXyzAkbCEJ-4CbufkkeYvGbMMSoOYdisSKu8a9GmklIAg5qyiFcVNmvsWaUNYYH9pMXU8sPcLjsTZw54-LzMqEs73XZjyV5=s1280https://blogger.googleusercontent.com/img/a/AVvXsEizd-uEWn7T3DHbmwkD-L2i6ns6q2yMh9kN9kicm6Xtz0AUJUagqwMrlvqr8Nqu9xXjdrZlndvaRrK3FLOP-hs4wkq_DjKjlz6YMhZihHA-wmCt90WgJFDrsAshsSwrlXErAT53oUhJZiWAgoXTxyF-4Q5LDzQpA7tHdguHk2KVgOQsvfQTQ8ZwUpKD=s1280

https://blogger.googleusercontent.com/img/a/AVvXsEgCWcfh5SCLyFvepFyHeDfxGcUVgGWmHJSqKdDH6bkDXXBotQdS2OQgVKXWMmbdZZ6Q9n_YwAWByvqikVJdr_zBBMCk4wWYAB2ZQBp5SVyd7s7kJds3FoLiOFsC6KqmEUOFg1Qw3lD1nvpZePX4YBiqcukQhBYSVowF4M26NIo1G6QSfOi_h2lM5vT7=s1280https://blogger.googleusercontent.com/img/a/AVvXsEhDLiEDoSBYpEQYC5LbGDVpUc5CaDDiTI-WlakytLN-x7bLrs7vtWWlIM2p4Z_zz89fKRanSuOdk3bbNwsnzi_XsZGwdWlOViw8EiZGK6mJeAEbAIUS3FxzYqcQr5NwhrvkivmlRQHjE4taOyCwpuYVqAaryGABtWFVyiPp52HRK47KycN8NPWf7fki=s1280