មនុស្សត្រូវតែរៀនសូត្រ និង រៀនទទួលស្គាល់ពីកំហុស របស់ខ្លួន ខណះដែលកំហុសជាច្រើន សុទ្ធតែទទួលបានលទ្ធផល និងការតបស្នងត្រឡប់មកវិញ។ដូច្នោះការបង្កើតកំហុស ជាប្រការមួយដែលបង្រៀនអ្នកឲចេះស្គាល់អ្វីខុស អ្វីត្រូវពីកំហុសទៅតាមលំដាប់លំដោយ។
ជាការពិត មនុស្សគ្រប់រូបមានភាពខ្លាំង និង ភាពខ្សោយរៀងៗខ្លួន សំខាន់ថាតើភាពខ្លាំង និងភាពខ្សោយនោះបានជះឥទ្ធិពលបែបណាមកដល់យើង ខណះដែលមនុស្សមួយចំនួន បានព្យាយាមរៀនសូត្រពីអ្នកដទៃទាំងដែលមិនធ្លាប់បានរៀនសូត្រពីខ្លួនឯង ផងនោះ។អ្នកដឹងឬទេថា កំហុសកាន់តែច្រើន វាកាន់តែធ្វើអោយយើងដឹងថា អ្វីគ្រប់យ៉ាងមិនមែនសុទ្ធតែខុស អ្វីដែលសំខាន់នោះ បើអ្នកដឹងថាខុសហើយ ចេះកែប្រែកំហុសនោះក្លាយទៅជាបទពិសោធន៍ល្អសំរាប់ជិវិត ហើយគួរកុំខ្លាចការខុស ព្រោះការខុសជាមេរៀនដែលសាលាមិនអាចបង្រៀនយើងបាន៕
