ចាន់ វឌ្ឍនាកា និងកីឡាករថ្មីៗ មួយចំនួន ត្រូវ​បាន​កោះ​ហៅ​ចូល​រួម​ក្រុម​ជម្រើស​ជាតិ​កម្ពុជា

កាលពីព្រឹកនេះ សហព័ន្ធបាល់ទាត់កម្ពុជាបានបញ្ចេញបញ្ជីឈ្មោះកីឡាករដែលត្រូវបានកោះហៅចូលរួមជាមួយក្រុមជម្រើស​ជាតិ​កម្ពុជា ដើម្បី​ត្រៀម​ការ​​ប្រ​កួត​ពានរង្វាន់ Asian Cup និង AFC U-23 ដោយកីឡាករចាន់ វឌ្ឍនាកា ក៏បានវិលត្រឡប់មកវិញផងដែរ។

កីឡាករទាំងអស់មានចំនួន ៣៦នាក់ ដោយក្នុងនោះយើងឃើញថា ក្រុមវិសាខាមានកីឡាករជាប់ជម្រើសជាតិច្រើនជាង រហូតដល់៧នាក់។ សម្រាប់ការប្រកួតពានរង្វាន់ AFC ASIAN CUP CHINA 2023 Qualifiers (Playoff) និង AFC U23 ASIAN CUP Uzbekistan 2022 – Qualifiers នឹងចាប់ផ្ដើមប្រកួតពីថ្ងៃទី០៩ ដល់ថ្ងៃទី២៦ ខែតុលា ឆ្នាំ២០២១ នៅប្រទេសបារ៉ែន និងជប៉ុន។

រូបភាព: សហព័ន្ធបាល់ទាត់កម្ពុជា