រាជធានីភ្នំពេញ៖ លោកយាយអាយុ ៧៥ឆ្នាំម្នាក់បានស្លាប់បាត់បង់ជីវិត បន្ទាប់ពីចៅប្រុសដែលញៀនថ្នាំបានដុតផ្ទះខ្លួនឯង បង្កឲ្យមានការភ្ញាក់ផ្អើលទាំងយប់នៅវេលាម៉ោង១១ និង៤០នាទីយប់ ត្រង់ចំណុចផ្លូវលំក្នុងភូមិដំណាក់ធំ២ ក្រុម៤ សង្កាត់ស្ទឹងមានជ័យទី២ ខណ្ឌមានជ័យ ។
ជនបង្កមានឈ្មោះ សេន សាម៉ាន់ថៃ ភេទប្រុស អាយុ២៩ឆ្នាំ ជាមនុស្សវិកលចរិកដោយសារញៀនថ្នាំខ្លាំងត្រូវបានឃាត់ខ្លួន។
បើតាមលោក ព្រហ្ម យ៉ន នាយការិយាល័យបង្ការពន្លត់អគ្គីភ័យនិងសង្គ្រោះនៃស្នងការដ្ឋាននគរបាលរាជធានីភ្នំពេញបានប្រាប់ឱ្យដឹងថាម្ចាស់ផ្ទះមានឈ្មោះ គីម យ៉ាន ភេទស្រី អាយុ ៧៥ឆ្នាំ មុខរបរនៅផ្ទះ បានស្លាប់នៅក្នុងភ្លើង៕