នៅក្នុងរដូវកាលនេះក្រុមកាំភ្លើងធំ Arsenal បានចំណាយលុយទិញកីឡាករច្រើនជាគេ បើប្រៀបទៅក្លឹបធំផ្សេងៗទៀតនៅក្នុងលីគកំពូលបាល់ទាត់ទាំងអស់របស់ពិភពលោក ក៏ប៉ុនតែចាប់ផ្តើម៣ប្រកួតហើយមិនទាន់ស្គាល់ពាក្យថាឈ្នះនោះទេ។
មុននឹងទីផ្សារដោះដូរកីឡាករបានបិទនោះ Arsenal ឆ្លៀតនាំយកខ្សែការពារស្លាបស្តាំមកពីក្រុម Bologna កីឡាករ Takehiro Tomiyasu មកជំនួសដំណែងកីឡាករល្បឿនលឿនរបស់ Arsenal កីឡាករ Hector Bellerin ដែលបានផ្លាស់ទៅចូលរួមជាមួយ Real Beltis ក្នុងលក្ខខណ្ឌខ្ចីជើងរយៈពេលវែង។
កីឡាករវ័យ២២ឆ្នាំ សញ្ជាតិជប៉ុននេះ ផ្លាស់ទៅចូលរួមជាមួយ Arsenal នៅក្នុងតម្លៃខ្លួន១៨លានយូរ៉ូ នៅក្នុងកុងត្រារយៈពេលវែង៕
ប្រភព: ARSENAL