អ្នករាល់គ្នាប្រាកដជាដឹងថា វីតាមីនសេ គឺចាំបាច់ណាស់សម្រាប់រាងកាយដើម្បីជួយបង្កើនភាពធន់នឹងជំងឺ។ ទោះយ៉ាងណាក៏ដោយ មុននិងអ្នកទទួលទានថ្នាំគ្រាប់វីតាមីនសេ ចាំបាច់ត្រូតែវចេញវេជ្ជបញ្ជាដោយវេជ្ជបណ្ឌិត។ ខាងក្រោមនេះជាផលវិបាក និង ការផ្ដល់វីតាមីនសេឲ្យបានត្រឹមត្រូវ៖
»ផលវិបាកដោយសារតែវីតាមីនសេលើស
រាងកាយរបស់មនុស្សតែងតែត្រូវការបរិមាណវីតាមីនសេជាក់លាក់ បើខ្វះវាត្រូវតែបន្ថែមប៉ុន្តែមិនត្រូវប្រើច្រើនពេកទេព្រោះវានឹងបង្កឱ្យមានផលវិបាកនិងគ្រោះថ្នាក់ជាច្រើន។ នៅពេលអ្នកទទួលទានវីតាមីនសេ ជាប្រចាំរាងកាយស៊ាំនឹងវា ហើយនៅពេលអ្នកមិនប្រើវាទៀតអ្នកនឹងមានអារម្មណ៍អស់កម្លាំង។
ចំពោះមនុស្សដែលប្រើវីតាមីនសេក្នុងកម្រិតខ្ពស់ (១០០០ មីលីក្រាមក្នុងមួយថ្ងៃ) អាចបណ្តាលឱ្យមានបញ្ហាប្រព័ន្ធរំលាយអាហារ (ក្តៅក្នុងក្រពះរាក) លើសជាតិដែកកាត់បន្ថយភាពធន់របស់កោសិកាឈាមក្រហម កាត់បន្ថយសមត្ថភាពកោសិកាឈាមសក្នុងការសម្លាប់បាក់តេរី មនុស្សដែលមាន G6PD កង្វះ hemolysis ក៏អាចកើតមានដែរ។
ការប្រើប្រាស់វីតាមីនសេ ច្រើនលើស នឹងបណ្តាលឱ្យមានការស្រូបយកជាតិដែកច្រើនហួសប្រមាណ និងកាត់បន្ថយការស្រូបយកទង់ដែងនិងនីកែល ធ្វើឱ្យឆ្អឹងលូតលាស់យឺតយ៉ាវ ងាយខូចទ្រង់ទ្រាយ។
យ៉ាងណាមិញ ចំពោះស្ត្រីមានផ្ទៃពោះដែលទទួលទានវីតាមីនសេ ច្រើនពេកអាចបណ្តាលឱ្យទារកមានបញ្ហាពីកំណើត។ ជាពិសេសផលិតផល មេតាប៉ូលីស កម្រិតមធ្យមនៃវីតាមីនសេ គឺអាស៊ីត oxalic ដូច្នេះការប្រើកម្រិតខ្ពស់ជាបន្តបន្ទាប់អាចបណ្តាលឱ្យកើតគ្រួសក្នុងតម្រងនោម។
លើសពីនេះវីតាមីនសេ បណ្តាលឱ្យរលាកស្រាលធ្វើឱ្យពិបាកគេង ជាមួយគ្នានោះដែរ អ្នកមិនគួរទទួលទាននៅពេលយប់ឡើយ ផលិតផលនេះក៏អាចបង្កឱ្យមានអាឡែរហ្សីដោយសារតែការរិចរិលនិងការអភិរក្សរបស់វា។
»បំពេញបន្ថែមវីតាមីនសេឱ្យបានត្រឹមត្រូវ
បើយោងតាម Dr. ឡៃ ថាញ់ ហា ប្រធាននាយកដ្ឋានមន្ទីរពេទ្យ ថាញ ញាណ បានឲ្យដឹងថា វីតាមីនសេ ជួយបង្កើនភាពធន់ និងភាពស៊ាំរបស់រាងកាយ។ ក្រៅពីនេះវីតាមីនសេ ក៏មានលក្ខណៈប្រឆាំងអុកស៊ីតកម្ម ជួយការពារកោសិកាពីរ៉ាឌីកាល់សេរីនៅក្នុងរាងកាយ។ ប្រសិនបើរាងកាយខ្វះវីតាមីនសេ វានឹងងាយឆ្លងមេរោគហើយត្រូវការពេលយូរដើម្បីព្យាបាលរបួសស្បែក។
ក្នុងករណីមានការឆ្លងមេរោគមហារីកជំងឺអាឡែស៊ីការពុលការជក់បារីការញៀនស្រា កំរិតវីតាមីនសេ ដែលត្រូវបានណែនាំគឺ ០.២ – ០.៥ ក្រាម/ថ្ងៃមិនលើសពីមួយក្រាម/ថ្ងៃ។ ដោយឡែក ក្នុងស្ថានភាពនៃការរីករាលដាលដ៏ស្មុគស្មាញធ្វើឱ្យមនុស្សប្រញាប់ប្រញាល់ទៅទិញវីតាមីនសេ ដើម្បីបំប៉នខ្លួនឯង ដែលវាពិតជាគ្រោះថ្នាក់ខ្លាំងណាស់។
ប្រភព៖ vietnam
ប្រែសម្រួល៖ SPP
