ខ្សែប្រយុទ្ធវ័យចំណាស់ Olivier Giroud នឹងទៅចូលរួមជាមួយក្រុម AC Milan នៅក្នុងក្របខ័ណ្ឌ Serie A ក្នុងតម្លៃខ្លួនប្រមាណជា ១លានផោន។
Giroud បានចំណាយពេល ៩ឆ្នាំនៅលីគកំពូលអង់គ្លេសជាមួយក្រុម២ធំៗនៅទីក្រុងឡុងដ៍គឺកាំភ្លើងធំ Arsenal និង តោខៀវ Chelsea។ ៩ឆ្នាំ Giroud បានឈ្នះពានជាច្រើនដូចជា: UEFA Champion League មួយលើក, FA CUP ៤លើក, Community shield ៣លើក និង UEFA Europa League មួយលើកផងដែរ។
ខ្សែប្រយុទ្ធវ័យ ៣៤ឆ្នាំនេះនឹងទៅចាប់ដៃគូជាមួយលោកព្រះ Zlatan Ibrahimovic នៅ AC Milan នៅរដូវកាលក្រោយ។ គួរបញ្ជាក់ផងដែរ Giroud បានចុះកុងត្រារហូតដល់ឆ្នាំ ២០២៣ ជាមួយក្លឹប AC Milan៕
ប្រភព: Fabrizio Romano
