ភ្នំពេញ៖ មួយរយៈចុងក្រោយនេះ ជាពិសេស ក្នុងបរិបទជំងឺឆ្លងរាតត្បាតកូវីដ-១៩ និន្នាការនៃការទូទាត់ថ្លៃទំនិញឬសេវាកម្មតាមប្រព័ន្ធឌីជីថល កើនឡើងយ៉ាងខ្លាំង ដោយនៅទីណាៗ ក៏ឃើញមានការទូទាត់ដោយ ស្កែនឃ្យូអរកូដ (Scan QR) តាម អេស៊ីលីដាម៉ូបាល ដែរ ។

ទទួលបានព័ត៌មានថ្មីៗទាន់ហេតុការណ៍រាល់ថ្ងៃ សូមចូលទៅកាន់ Channel Telegram KBN News

កញ្ញា រចនា បុគ្គលិកអ្នកគិតលុយនៅហាងលក់សម្លៀកបំពាក់មួយកន្លែង នៅរាជធានីភ្នំពេញ ឲ្យដឹងថា ឥឡូវនេះ អតិថិជន ជាញឹកញាប់តែងសួររក ស្កែនឃ្យូអរកូដ អេស៊ីលីដាម៉ូបាល ដោយពួកគាត់មិនសូវប្រើប្រាស់ក្រដាសប្រាក់ទេ ។
កញ្ញា រចនា បាននិយាយយ៉ាងដូច្នេះថា «ចាស៎ ឥឡូវនេះ ពេលគិតលុយ ភ្ញៀវសួររក ស្កែនឃ្យូអរ អេស៊ីលីដាម៉ូបាល ច្រើនគួរសមដែរ ។ គាត់ថា ស្រួលមិនពិបាករឿងអាប់លុយអាប់អី»។ អតិថិនទូទាត់ថ្លៃសម្លៀកបំពាក់ដោយ Scan QR តាម អេស៊ីលីដាម៉ូបាល នៅហាងលក់សម្លៀកបំពាក់មួយ នៅភ្នំពេញ ។

នៅតាមផ្លូវជាតិលេខ៣ អ្នកស្រី អឿន ផារី ម្ចាស់អាហារដ្ឋានមួយកន្លែង នៅផ្សារប៉ាំងកាសី ស្រុកបរសេដ្ឋ ខេត្តកំពង់ស្ពឺ បាននិយាយថា គាត់ដាក់ឲ្យប្រើសេវាទូទាត់ដោយស្កែនឃ្យូអរ តាម អេស៊ីលីដាម៉ូបាល ព្រោះវាងាយស្រួល ហើយ«ខ្ញុំមិនបាច់ប៉ះពាល់ក្រដាសលុយដែរ ។»

អ្នកស្រី អឿន ផារី និយាយថា «ឥឡូវ គេប្រើច្រើន ស្កែនឃ្យូរអ តាមអេស៊ីលីដាម៉ូបាលហ្នឹង ។ ភ្ញៀវចង់ទូទាត់ជាលុយរៀលក៏បាន ជាដុល្លារក៏បាន ។ ស្រួលមែនទែន ខ្ញុំមិនពិបាកអាប់លុយអីទេ» ៕