រាជធានីភ្នំពេញ ៖ ជាការពិតណាស់ កាលពីប៉ុន្មានថ្ងៃកន្លងមកនេះពិធីករប្រចាំទូរទស្សន៍ហង្សមាសគឺលោក សុខ រ៉ាស៊ី បានបង្ហោះសារជាបន្តបន្ទាប់ពាក់ព័ន្ធនឹងករណីលោក អ៊ិន សុភិន មិនព្រមសងលុយជំពាក់ ជាហេតុបង្កឲ្យមានការភ្ញាក់ផ្អើលជាខ្លាំងពីសំណាក់មហាជន ខណៈលោក សុខ រ៉ាស៊ី បានប្រកាសឲ្យច្បាប់ចាប់លោក អ៊ិន សុភិន ដាក់គុកថែមទៀតផងចំពោះបញ្ហាខាងលើនេះ។
ងាកមកកាន់លោក អ៊ិន សុភិន ឯណេះវិញ លោកបានឆ្លើយតបទៅកាន់លោក សុខ រ៉ាស៊ី យ៉ាងដូច្នេះថា «មានរឿងថ្មីរហូត តែខ្ញុំទុកអោយផ្លូវច្បាប់ជាអ្នកដោះស្រាយចុះខ្ញុំមិនមានការបកស្រាយអីទេតេីចុងក្រោយទៅជាយ៉ាងម៉េច? អរគុណចំពោះបងប្អូនដែលកង្វល់អំពីរឿងនេះ តែហ៊ានធានាថាមិនមានរឿងអីទេ។»
លោកក៏បានបន្ថែមទៀតថា «ខ្ញុំមិនសូវចេះនិយាយនឹងសរសេរច្រេីនក្នុងFacebook ទេ តែបេីពេលវេលាមកដល់ខ្ញុំក៏អាចនិយាយចេញដូចគ្នា។
អរគុណនូវការអត់ធ្មត់មួយនេះនឹងធ្វេីជាមនុស្សល្ងង់សិនចុះ។»
ទោះបីជាយ៉ាងនេះក្ដីគេនៅមិនទាន់ដឹងថាតើករណីរបស់ម្ចាស់គ្រប់គ្រងកម្មវិធី Miss Grand Cambodia ជាមួយនឹងលោក សុខ រ៉ាស៊ី អាចឈានទៅដល់ចំណុចណាមួយនៅឡើយទេ ខណៈភាគីម្ខាងៗសុទ្ធតែមានហេតុផលរៀងៗខ្លួន៕