ខ្សែបម្រើ Eriksen បានដួលសន្លប់បាត់បង់ស្មារតីនៅលើទីលាន ក្នុងការប្រកួតរវាងដាណឺម៉ាក និង ហ្វាឡង់ក្នុងព្រឹត្តិការណ៍ Euro។
Eriksen ត្រូវបានក្រុមគ្រូពេទ្យជួយសង្គម និងបញ្ជូនទៅកាន់មន្ទីពេទ្យភ្លាមៗ បន្ទាប់ពីកើតហេតុនេះ។ ក្រុមគ្រូពេទ្យបាននិយាយថា” Eriksen បានបាត់បង់ជីវិតរួចទៅហើយនៅពេលដែលពួកយើងចូលទៅដល់ទីលាន ក៏ប៉ុន្តែពួកយើងបានព្យាយាមធ្វើចលនាចង្វាក់បេះដូងឡើងវិញ”។ បច្ចុប្បន្ន Eriksen កំពុងស្ថិតក្រោមការត្រួតពិនិត្យរបស់ក្រុមគ្រូពេទ្យជាបន្តទៀត ហើយរូបគេនឹងមិនអាចជួយដាណឺម៉ាកបានទៀតនោះក្នុងព្រឹត្តិការណ៍ Euro នេះ។
គួរបញ្ជាក់ផងដែរ ខ្សែបម្រើវ័យ ២៩ឆ្នាំរូបនេះទំនងជាមិនអាចចូលលេងបានវិញនោះទេ ដោយមានបញ្ហាសុខភាពបេះដូងខ្លាំង ដែលបណ្តាលអោយរូបគេគាំងបេះដូងនេះលើទីលាន៕
ប្រភព: BBC