លោក Jose Mourinho ក្រោយពីត្រូវបានក្រុម Tottenham Hotspur បណ្តេញចេញបានជាង ១ខែ ពេលនេះត្រូវបានក្លឹបនៅលីគ Serie A ក្រុម AS Roma តែងតាំងជាគ្រូបង្វឹកថ្មី។
ស្របពេលគ្នានេះដែរ គ្រូបង្វឹកបច្ចុប្បន្នរបស់ Roma លោក Paulo Fonseca ត្រូវដឹកនាំរហូតដល់ចប់រដូវកាលនេះ ជាពិសេសត្រៀមការប្រកួតជាមួយបិសាចក្រហម Manchester United នៃជើងទី ២ វគ្គ ៤ក្រុមចុងក្រោយ ក្របខ័ណ្ឌ UEFA Europa League នៅ ថ្ងៃព្រហស្បតិ៍ សប្តាហ៍នេះ។
គួរបញ្ចាក់ផងដែរថា រដូវកាល ២០០៩-២០១០ ជាការដឹកនាំលើកចុងក្រោយរបស់ លោក Jose Mourinho នៅ Serie A ដោយពេលនោះលោកបានជួយអោយក្រុម Inter Milan ឈ្នះពាន ៣ក្នុងមួយរដូវកាល៕
ប្រភព: Bleacher Report Football
