Ajax បានការពារដំណែងជើងឯករបស់សខ្លួនក្រោយពីឈ្នះ FC Emmen ៤-០ នៅក្នុងដីខ្លួនឯង។
បើទោះបីជានៅសល់ ៣ ប្រកួត ទៀតក៏ដោយ ក៏មិនមានក្រុមណាអាចបណ្តេញពិន្ទុជាមួយ Ajax បានដែរ ដោយបច្ចុប្បន្ន Ajax កំពុងឈរនៅលេខ ១ មាន ៧៩ពិន្ទុ ចំណែកក្រុមលេខ ២ PSV Eindhoven មានត្រឹមតែ ៦៥ពិន្ទុប៉ុណ្ណោះ។
គួរបញ្ចាក់ផងដែរថា កាលពីរដូវកាលមុនលីគកំពូលហូឡង់មិនមានម្ចាស់ជើងកនោះទេ ដោយជម្ងឺរាតត្បាតកូវីដ ១៩។ គ្រានោះផងដែរ ធ្វើអោយកីឡាករ Ajax ជាច្រើនសម្តែងការមិនពេញចិត្ត ដោយពេលនោះ Ajax ឈរនៅលេខ ១ មានពិន្ទុស្មើគ្នាជាមួយក្រុម AZ Alkmaar៕