រដូវកាលនេះជារដូវកាលសម្បូរមង្ឃុតហើយ ដូច្នេះបងប្អូនគួរតែព្យាយាមហូបឱ្យបានច្រើនតាមដែលអាចធ្វើបាន ដើម្បីទទួលបានសុខភាពល្អ។ ព្រោះវាសម្បូរទៅដោយវីតាមីនសេ និងវីតាមីនជាច្រើនទៀតដែលជួយដល់រាងកាយដូចជា៖

ទទួលបានព័ត៌មានថ្មីៗទាន់ហេតុការណ៍រាល់ថ្ងៃ សូមចូលទៅកាន់ Channel Telegram KBN News

១. ជួយដល់សុខភាពបេះដូង
មង្ឃុតជួយដល់លំហូរឈាមបានត្រឹមត្រូវដល់សរីរាង្គទាំងអស់នៃរាងកាយជាពិសេសបេះដូង។ វាមានប្រសិទ្ធភាពខ្ពស់ក្នុងការការពារជម្ងឺបេះដូងធ្ងន់ធ្ងរដូចជាឈឺទ្រូងកកស្ទះបេះដូង និងក្រិនសរសៃឈាម។ ហើយម៉ង់កាកូសដែលមាននៅក្នុងមង្ឃុតពិតជាមានសារៈសំខាន់ណាស់ក្នុងការព្យាបាលរោគសញ្ញានៃជំងឺលើសឈាម ជំងឺឈឺក្បាលខ្លាំង ស្ដ្រេស និងញ័រទ្រូងផងដែរ។

២. ជួយដល់ប្រព័ន្ធភាពសុំា
មង្ឃុតសម្បូរទៅដោយវីតាមីនសេដែលផ្ដល់នូវសារធាតុប្រឆាំងអុកស៊ីតកម្មការពារនិងបង្កើតប្រព័ន្ធភាពសុំាយ៉ាងមានប្រសិទ្ធភាព។ សារធាតុប្រឆាំងអុកស៊ីតកម្មជួយកម្ចាត់រ៉ាឌីកាល់សេរីដែលមានគ្រោះថ្នាក់ពីការបំផ្លាញកោសិកា និងជួយការពារប្រព័ន្ធប្រឆាំងនឹងវីរុសដែលបង្កឱ្យមានជំងឺដូចជា ជំងឺរលាកសួតជំងឺផ្តាសាយ និងជំងឺផ្តាសាយ។

៣. បំបាត់ការឈឺចាប់ក្នុងខ្លួន
ផ្លែឈើមួយនេះមានផ្ទុកនូវសារធាតុ xanthones ដ៏ច្រើនសន្ធាក់សន្ធាប់ដែលជាម៉ូលេគុលប្រឆាំងនឹងការរលាកដ៏ខ្លាំងក្លា។ Xanthones មានមុខងារក្នុងការកាត់បន្ថយសម្ពាធតានតឹងនៃប្រព័ន្ធប្រសាទ។ វាក៏ជួយបំបាត់ការឈឺចាប់ក្នុងខ្លួនពី ជំងឺរលាកសន្លាក់ រមួលក្រពើ និងការឈឺចាប់ពេលមករដូវបានផងដែរ។

៤. ជួយដល់សកម្មភាពខួរក្បាល
វាសម្បូរទៅដោយសារធាតុ flavonoids(សារធាតុប្រឆាំងអុកស៊ីតកម្មដ៏មានឥទ្ធិពល) ម៉ង់ហ្គាណែស និងអាស៊ីតហ្វូលិកជួយដល់សរសៃប្រសាទដែលនាំទៅដល់ខួរក្បាល។ លើសពីនេះទៅទៀតវាជួយការពារការប្រមូលផ្តុំនៅក្នុងកោសិកាខួរក្បាលហើយក៏ជួយបង្កើនការចងចាំបានផងដែរ។

៥. ជួយបន្ថយល្បឿននៃភាពចាស់
មង្ឃុតជាថាមពលនៃសារធាតុប្រឆាំងអុកស៊ីតកម្មមួយហៅថាកាទីឆិនដែលជួយពន្យាភាពចាស់ ។ ម៉ូលេគុលនេះជួយកោសិកាស្បែកឱ្យមានសុខភាពល្អ វាជួយផ្ដល់ជីវជាតិនិងជំរុញលំហូរឈាមនិងសារធាតុចិញ្ចឹមទៅកាន់កោសិកាស្បែក។ សារធាតុ Mangosteen ក៏ប្រយុទ្ធប្រឆាំងនឹងការឆ្លងមេរោគលើស្បែកដោយបាក់តេរីផងដែរ៕