ភ្នំពេញ ៖ បើតាមអ្នកស្រី ថោង គឹមអាន ដែលត្រូវជាកូនទីមួយរបស់ព្រឹទ្ធាចារ្យ ឯម ធាយ បានលើកឡើងថា អ្នកស្រីព្រឹទ្ធាចារ្យទេវនាដនិម្មិត ឯម ធាយ បានធ្លាក់ខ្លួនឈឺដើរមិនរួចក្រោយពីគាត់បានដួលនៅក្នុងបន្ទប់ទឹក ខណៈការដួលនេះបានធ្វើឲ្ព្រឹទ្ធាចារ្យឈឺចង្កេះខ្លាំង ហើយបន្ទាប់មកគាត់បានពិសារថ្នាំដើម្បីព្យាបាលចង្កេះនោះ ប៉ុន្តែបែរជាធ្វើឲ្យប៉ះពាល់ដល់តម្រងនោមបន្ថែមទៀតទៅវិញ។
ក្នុងនោះផងដែរ ប្រភពពីកូនស្រីរបស់ព្រឹទ្ធាចារ្យបានបន្ថែមថា ព្រឹទ្ធាចារ្យ ឯម ធាយ ទើបតែបានដួលនៅក្នុងបន្ទប់ទឹកកាលពីខែមករាកន្លងទៅនេះទេ ដែលការដួលនេះធ្វើឲ្យម្តាយរបស់គាត់មានការឈឺចង្កេះ។ ហើយបន្ទាប់ពីម្តាយរបស់អ្នកស្រីបានពិសារថ្នាំពេទ្យរួច ក៏ធ្វើឲ្យព្រឹទ្ធាចារ្យប៉ះពាលទៅដល់តម្រងនោមទៅវិញ ខណៈដែលគាត់បាននិយាយថា ម្តាយរបស់ខ្លួនទើបតែនឹងធ្លាក់ខ្លួនឈឺធ្ងន់បានជិតមួយអាទិត្យហើយ។