រាជធានីភ្នំពេញ៖ យោងតាមឃ្លីបសំឡេងរបស់សម្តេចតេជោ ហ៊ុន សែន នាយករដ្ឋមន្រ្ដីកម្ពុចា បានថ្លែងឲ្យដឹងថា ក្នុងខណៈពេលកូវីដ-១៩ កំពុងរាតត្បាតចូលមកក្នុងសហគមន៌កាន់តែខ្លាំង ខ្ញុំសូមស្នើឲ្យអាជ្ញាធរជាប់បណ្តាខេត្តព្រំដែនជួយសម្រួលដល់បងប្អូនប្រជាពលរដ្ឋក្នុងការរកស៊ីដោយកុំបិទ ព្រោះធ្វើឲ្យប៉ះពាល់សេដ្ឋកិច្ចយ៉ាងធ្ងន់ធ្ងរ ។
តាមប្រភពសារសំឡេងទាំងស្រុងរបស់ សម្ដេច ហ៊ុនសែន នាព្រឹកថ្ងៃទី២៤ ខែកុម្ភៈ ឆ្នាំ២០២១ បានលើកឡើងយ៉ាងដូច្នេះថា ៖«ខ្ញុំស្នើសុំអស់លោក លោកជំទាវអភិបាលខេត្ត នៅតាមតំបន់ព្រំដែនជាប់ប្រទេសវៀតណាម ព្រំដែនឡាវ និងប្រទេសថៃ ក៏ដូចជា ស្ថានប័នពាក់ព័ន្ធ ដែលកន្លងទៅមានការព្រឹងការធ្វើចត្តាឡីស័ក និងកាចេញចូលនៅតាមព្រំដែន ដោយពង្រឹងការធ្វើចត្តាឡីស័ក នៅតាមតំបន់ជាប់ព្រំដែន ដើម្បីជៀសវាងការហូរចូលនូវជំងឺពីក្រៅប្រទេសមកចូលក្នុងប្រទេស ។ ប៉ុន្តែចំពោះការដឹកទំនិញរកស៊ីជាមួយគ្នានៅធ្វើ ជាធម្មតាសុំស្តាប់ឲ្យបានច្បាស់» ។
សម្តេចបានលើកឡើងថា សម្តេចទើបតែបានទទួលដំណឹងថា អគ្គនាយករដ្ឋានអន្តោប្រវេសន៍បានដាក់បទបញ្ជានៅតាមបន្ទាប់ព្រំដែនកម្ពុជា ថៃ ជាពិសេសនៅតំបន់ប៉ៃលិនថាមិនឲ្យបងប្អូនខ្មែរដឹកកសិផលទៅព្រំដែនថៃដូចពីមុនទេ ដោយចាប់អនុវត្តពីថ្ងៃស្អែក(ថ្ងៃទី២៥) ហើយបែររថយន្តថៃអាចចូលមកកម្ពុជាជាធម្មតា ។
សម្រាប់ករណីនេះ សម្តេចតេជោ បានស្នើសុំឲ្យសម្តេចក្រឡាហោម ស ខេង ឧបនាយក រដ្ឋមន្ត្រី រដ្ឋមន្ត្រីក្រសួងមហាផ្ទៃ ក៏ដូចជា អគ្គនាយកដ្ឋានអន្តោប្រវេសន៍ដកបទបញ្ជាចេញវិញ ដើម្បីសម្រួលឲ្យប្រជាពលរដ្ឋនៅតាមព្រំដែនរកស៊ីធម្មតា ហើយមិនត្រឹមប៉ុណ្ណោះទេ គឺត្រូវខិតខំឲ្យប្រជាពលរដ្ឋនាំចេញទំនិញកសិផលកាន់តែច្រើនកាន់តែល្អ ។
គួរបញ្ចាក់ដែរថា កាលពីពេលថ្មីៗនេះមានពលរដ្ឋដែលប្រកបមុខរបរធ្វើចម្ការដាំតាសក់ បានប្រកាសសុំការជួយធ្វើអន្ដរាគមន៌ជាបន្ទាន់ពីសំណាក់ថ្នាក់ដឹកនាំពីគ្រប់មជ្ឈដ្ឋាន ខណៈត្រសក់របស់ដល់ពេលប្រមូលយកទៅលក់ហើយនៅឯប្រទេសថៃ ស្រាប់តែមានសមត្ថកិច្ចដែលយាមកាមនៅក្លោងទ្វារព្រំដែនប៉ោយប៉ែត បានបដិសេដមិនឲ្យពួកគេនាំយកតាសក់ពួកគេយកទៅលក់ទេ ដោយកម្លាំងសមត្ថកិច្ចនៅទីនោះបានលើកហេតុផលថា ដោយភ័យខ្លាចមានហានិភ័យខ្ពស់ក្នុងការឆ្លងកូវីដ-១៩ ដូចនេះភោគផលរបស់ពួកគេមិនត្រូវបានអនុញ្ញាតឲ្យយកទៅលក់ទេ ហើយភ្លាមៗនោះកសិករស្លុតចិត្តជាខ្លាំងដែលការដាំដុះនេះពួកគេបានទៅជួលដីគេសម្រាប់ដាំ ព្រមទាំងត្រូវចងការ ខ្ចីលុយធនាគារ ឬក៏អង្កការផ្សេងៗ សម្រាប់យកមកធ្វើជាដើមទុន បើសិនជាតាសក់ទាំងអស់នោះមិនអាចបញ្ចេញលក់ទាន់ពេលទេ វានឹងខូច រលួយស្អុយជាក់ជាមិនខាន។ ជាមួយគ្នានេះដែរពួកគេសង្ឃឹមថាពេលប្រមូលផលនឹងអាចទទួលបានលុយសងគេ ព្រមទាំងចំណេញតិចតួច សម្រាប់ផ្គត់ផ្គង់ជីវភាពក្នុងសម័យកាលកូវីដ-១៩ ប៉ុន្តែការគិតរបស់ពួកគេហាក់ផ្ទុយស្រឡះទាំងស្រុងតែម្ដង។
យ៉ាងណាមិញ ក្រោយពីមានការអន្តរាគនម៌ដ៏ខ្ពង់ខ្ពស់ពី សម្ដេច តេជោ ហ៊ុន សែន យើងសង្កេតឃើញថា ពេលនេះជីវិតរបស់កសិករដាំតាសក់ ហាក់បីដូចជាបានរស់ឡើងវិញ ដោយតាសក់ទាំងឡានៗកំពុងធ្វើដំណើរយកទៅលក់នៅប្រទេសថៃ យ៉ាងសុវត្ថិភាព ៕
សូមប្រិយមិត្តអញ្ជើញទស្សនាវីដេអូ ដូចខាងក្រោម៖