បរទេស៖ ក្នុងរយៈពេល២៤ម៉ោងកន្លងមកនេះ បណ្ដាប្រទេស ចំនួន១០ នៅតំបន់អាស៊ាន នៅតែបន្ដមានករណីឆ្លងថ្មី នៃកូវីដ-១៩ កើនឡើង សរុបជាង១,៥ម៉ឺននាក់។
បើតាមគេហទំព័រ Worldometer បានចេញផ្សាយ នៅវេលាម៉ោង៩ និង៣០នាទីព្រឹក ថ្ងៃទី២០ ខែកុម្ភៈ ឆ្នាំ២០២១ថា ករណីឆ្លងថ្មី នៅក្នុងតំបន់អាស៊ាន មានចំនួន ១៥ ៦៦២នាក់ និងករណីស្លាប់ថ្មី ចំនួន៣៥៧នាក់ (ករណីស្លាប់ថ្មី៣៥៧នាក់) ធ្វើឲ្យចំនួនអ្នកឆ្លងសរុប ២ ៣២៨ ០៥៩នាក់ ស្លាប់ ៥០ ៣៦៨នាក់ អ្នកជាសះស្បើយ ២ ០៣៩ ០៥៧ និងអ្នកកំពុងសម្រាកព្យាបាល ចំនួន ២៣៨ ៦៣៤នាក់ ហើយក្នុងនោះមានអ្នកឈឺធ្ងន់ ១ ០០៧នាក់។
ឥណ្ឌូនេស៊ី នៅតែជាប្រទេស មានអ្នកឆ្លងជំងឺកូវីដច្រើនជាងគេបំផុត នៅក្នុងតំបន់អាស៊ាន។ ប្រទេសនេះមានករណីឆ្លងថ្មី ១០ ៦១៤នាក់ និងករណីស្លាប់ថ្មី ១៨៣នាក់ ធ្វើឲ្យចំនួនអ្នកឆ្លងបន្ដកើនឡើងដល់ ១ ២៦៣ ២៩៩នាក់ ស្លាប់ ៣៤ ១៥២នាក់ អ្នកព្យាបាលជាសះស្បើយ ១ ០៦៩ ០០៥នាក់ និងអ្នកកំពុងសម្រាកព្យាបាល ១៦០ ១៤២នាក់។
ហ្វីលីពីន មានអ្នកឆ្លងថ្មី ១ ៩០១នាក់ និងករណីស្លាប់ថ្មី១៥៧នាក់ ធ្វើឲ្យចំនួនអ្នកឆ្លងសរុប ៥៥៧ ០៥៨នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ៥១២ ៧៨៩នាក់ និងអ្នកជំងឺចំនួន ៣២ ៤៤០នាក់ កំពុងសម្រាកព្យាបាល ហើយក្នុងនោះមានអ្នកឈឺធ្ងន់ ៧៨៥នាក់។
ម៉ាឡេស៊ី មានអ្នកឆ្លងថ្មី ២ ៩៣៦នាក់ និងករណីស្លាប់ថ្មី ១៣នាក់ ធ្វើឲ្យប្រទេសនេះ មានអ្នកឆ្លងសរុប ២៧៧ ៨១១នាក់ និងស្លាប់ ១ ០៤៣នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ២៣៩ ៩៧១នាក់ និងអ្នកជំងឺ៣៦ ៧៩៧នាក់ផ្សេងទៀតកំពុងសម្រាកព្យាបាល ហើយក្នុងនោះមានអ្នកឈឺធ្ងន់ ២២០នាក់។
មីយ៉ាន់ម៉ា (ភូមា) មានអ្នកឆ្លងថ្មី ១៩នាក់ ករណីស្លាប់ថ្មី៣នាក់ ហើយប្រទេសនេះ មានអ្នកឆ្លងសរុប ១៤១៧២៩នាក់ និងស្លាប់ ៣ ១៩៤នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ១៣១ ២០៩នាក់ និងអ្នកជំងឺចំនួន ៧ ៣២៥នាក់ផ្សេងទៀតកំពុងសម្រាកព្យាបាល។
សិង្ហបុរី មានអ្នកឆ្លងថ្មី ១៤នាក់ តែមិនមានករណីស្លាប់ថ្មី។ ប្រទេសនេះ មានអ្នកឆ្លងកូវីដ-១៩ សរុប ៥៩ ៨៤៦នាក់ និងស្លាប់២៩នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ៥៩ ៦៩៧នាក់ និងអ្នកជំងឺចំនួន១២០នាក់ផ្សេងទៀតកំពុងសម្រាកព្យាបាល ហើយក្នុងនោះមានអ្នកឈឺធ្ងន់ម្នាក់។
ថៃមានអ្នកឆ្លងថ្មី ១៣០នាក់ ករណីស្លាប់ថ្មីម្នាក់ ហើយប្រទេសនេះ មានអ្នកឆ្លងសរុប ២៥ ២៤១នាក់ និងស្លាប់ ៨៣នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ២៤ ០៧០នាក់ និងអ្នកជំងឺ ១ ០៨៨នាក់ កំពុងសម្រាកព្យាបាល ហើយក្នុងនោះមានអ្នកឈឺធ្ងន់ម្នាក់។
វៀតណាម មានអ្នកឆ្លងថ្មី១៥នាក់ តែមិនមានករណីស្លាប់ថ្មី ហើយប្រទេសនេះ មានអ្នកឆ្លងសរុប ២ ៣៦២នាក់ និងស្លាប់៣៥នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ១ ៦២៧នាក់ និងអ្នកជំងឺ ៧០០នាក់ផ្សេងទៀត កំពុងសម្រាកព្យាបាល។
កម្ពុជា មានអ្នកឆ្លងថ្មី៣២នាក់ មិនមានករណីស្លាប់ ហើយកម្ពុជាមានអ្នកឆ្លងកូវីដសរុប ៥១៦នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ៤៧០នាក់ និងអ្នកជំងឺចំនួន១៤នាក់ផ្សេងទៀត កំពុងសម្រាកព្យាបាល នៅក្នុងមន្ទីរពេទ្យរបស់រដ្ឋ។
ប្រ៊ុយណេ មិនមានអ្នកឆ្លងឆ្លងថ្មី និងមិនមានករណីស្លាប់ថ្មី ហើយយប្រទេសនេះមានអ្នកឆ្លងសរុប ១៨៥នាក់ ស្លាប់៣នាក់។ ក្នុងចំណោមអ្នកជំងឺទាំងនោះ មានអ្នកព្យាបាលជាសះស្បើយ ១៧៨នាក់ និងអ្នកជំងឺ៤នាក់ កំពុងសម្រាកព្យាបាល។
ឡាវមិនមានករណីឆ្លងថ្មី និងមិនមានករណីស្លាប់ ហើយប្រទេសនេះមានអ្នកឆ្លង សរុប៤៥នាក់ ប៉ុន្ដែមានអ្នកព្យាបាលជាសះស្បើយ ៤១នាក់ និងអ្នកជំងឺចំនួន៤នាក់កំពុងសម្រាកព្យាបាល៕