ភ្នំពេញ ៖ ជារឿងដ៏គួរឲ្យភ្ញាក់ផ្អើលមួយ ក្រោយពេលដែលផេក Galaxy Navatra បានបង្ហោះសារមួយនៅលើគណនីផេកផ្ទាល់ខ្លួន ដោយបានសរសេរបង្ហោះជាលើកទីមួយថា “ស៊េរីចាស់កុំចង់លេង ចង់រ៉េបឬចេញច្រកណា ទប់បានម៉ាស្រឡាញ់ កំពូលតារាចម្រៀង ព្រាប សុវត្ថិ លេងធ្ងន់ៗឈឺតែម្តង បីសប្តាហ៍ល្បីដល់ទៅ៨បទ វាគឺជាប្រវត្តិសាស្រ្តក្នុងវិស័យចម្រៀងដែលមិនទាន់មានអ្នកណាអាចធ្វើបាន។ ខុសប្លែកពីតារាខ្លះល្បីមួយបទ អង្គុយអង្អែល ក្អេងក្អាង លោក ព្រាប សុវត្ថិ ដាក់ម្ដងល្បី ៨ បទ ផ្ទុះទាំងអស់ឲ្យស្គាល់ស៊េរីចាស់ តែបីសប្តាហ៍មានអ្នកចូលទស្សនាជាង២០លានដង”។
ភ្លាមៗនោះដែរក៏មានអ្នកចូលទៅខំមិនរិះគន់យ៉ាងចាស់ដៃ មិនសំចៃមាត់ដោយនិយាយថាមិនគួរណាអ្នកកាន់ផេកផលិតកម្មធំមួយក្នុងស្រុកខ្មែរ បែរជាសរសេរបង្ហោះពាក្យពេចន៍មិនសមរម្យបែបនេះសោះ។
ស្រាប់តែបានមួយសន្ទុះ នៅក្នុងផេកផលិតកម្មខាងលើនេះក៏បានកែផុសឡើងវិញ ដោយសរសេរត្រឹមតែពាក្យពេចន៍យ៉ាងដូច្នេះថា “Idolសម្ថតភាពគួរឲ្យសសើរ អាចរ៉េបនឹងច្រៀងបត់បែនបានគ្រប់ទម្រង់នៃបទចម្រៀង កំពូលតារាចម្រៀង ព្រាប សុវត្ថិ ចេញប្រាំបីបទត្រឹមតែ៣សប្តាហ៍មានអ្នកទស្សនាសរុបដល់ទៅជិត២០លានដង។ អរគុណបងប្អូនគាំទ្រទាំងអស់។”
ទោះបីជាយ៉ាងដូច្នេះក្ដី ក៏អ្នកលេងបណ្តាញសង្គមហ្វេសប៊ុកជាច្រើននាក់បានលើងឡើងថា នេះគឺជារឿងមិនសមរម្យទាល់តែសោះ ដែលផលិតកម្មកដ៏ធំក្នុងស្រុកមួយហ៊ានបោះពាក្យសម្តីបែបនេះចេញមក៕
