ឯករាជ្យភាពផ្នែកហិរញ្ញវត្ថុក្នុងន័យសាមញ្ញ គឺជាសមត្ថភាពក្នុងការរកប្រាក់ចំណូលដែលអាចឱ្យអ្នកទូទាត់ទៅលើការចំណាយរបស់អ្នក។ នៅក្នុងយុគសម័យបច្ចុប្បន្នវាមានសារៈសំខាន់ណាស់សម្រាប់មនុស្សម្នាក់ៗដើម្បីឱ្យជីវិតមានឯករាជ្យភាពផ្នែកហិរញ្ញវត្ថុ មិនថាតែជាបុរសឬស្ត្រី។ ស្ត្រីមួយចំនួនធំនៅក្នុងប្រទេសឥណ្ឌាគឺជាអ្នកស្ត្រីមេផ្ទះ ឬនៅពេលដែលពួកគេមានគ្រួសារត្រូវតែនៅមើលថែផ្ទះ ឬកូនរបស់ពួកគេ។ ហេតុនេះពួកគេមិនអាចមានលទ្ធភាពក្នុងការស្វែងរកលុយកាក់សម្រាប់ផ្គត់ផ្គង់លើអ្វីដែលពួកគេចង់បាននោះទេ។
ខាងក្រោមនេះនឹងបង្ហាញថា ការដែលមានឯករាជ្យភាពផ្នែកហិរញ្ញវត្ថុគឺជារឿងមួយដ៏មានសារៈសំខាន់សម្រាប់ស្រ្តី៖
• មានលុយអាចផ្ទាល់ខ្លួនអាចជួយសម្រួលនៅពេលដែលយើងមានបញ្ហាបន្ទាន់៖ គ្មានអ្វីមួយដែលស្ថិតស្ថេរនោះទេ ទាំងសុខភាពរាងកាយជាដើម។ ប្រសិនបើអ្នកជាស្រ្តីនៅតែរំពឹងគិតតែទៅលើប្រាក់ចំណូលរបស់ស្វាមីដើម្បីយកមក ផ្គត់ផ្គង់ជីវភាពគ្រួសារ ចុះបើថ្ងៃណាមួយស្វាមីរបស់អ្នកឈឺ ឬក៏កូនរបស់អ្នកឈឺ តើអ្នកនឹងរំពឹងអ្វី? ហេតុនេះអ្នកជាស្រ្តីត្រូវដឹងថា បើអ្នកគ្មានលុយអ្នកនឹងពិបាក។ បែបនេះ បើទោះជាអ្នកជានៅផ្ទះក៏អ្នកត្រូវមានគំនិតធ្វើយ៉ាងណាដើម្បីអាចរកចំណូលបានដោយខ្លួនឯង ដោយមិនរំពឹងលើស្វមីទាំងស្រុង។
• ដើម្បីឆ្លើយតបនឹងការកើនឡើងអតិផរណានៃការរស់នៅ៖ អតិផរណាដូចដែលយើងដឹងស្រាប់ហើយបានកើនឡើងគួរឱ្យកត់សម្គាល់ក្នុងរយៈពេលប៉ុន្មានទសវត្សចុងក្រោយនេះ។ ដើម្បីមានផ្ទះសមរម្យ ហើយអាចបញ្ជូនកូន ៗ របស់អ្នកទៅសាលារៀនល្អ ហើយរស់នៅក្នុងកម្រិតជីវភាពមធ្យមខាងលើបានគឺជាការពិបាកណាស់។ ហេតុដូច្នេះហើយប្រសិនបើស្ត្រីមានឯករាជ្យផ្នែកហិរញ្ញវត្ថុ ពួកគេមិនត្រឹមតែអាចចូលរួមក្នុងការចំណាយប្រចាំថ្ងៃរបស់គ្រួសារប៉ុណ្ណោះទេ ប៉ុន្តែថែមទាំងជួយបំពេញគោលដៅហិរញ្ញវត្ថុរបស់គ្រួសារផងដែរ។
• សម្រាប់ការលើកកម្ពស់សីលធម៌របស់ពួកគេ៖ មនុស្សឯករាជ្យផ្នែកហិរញ្ញវត្ថុមានសមត្ថភាពក្នុងការសម្រេចចិត្តដោយខ្លួនឯងហើយមិនចាំបាច់ពឹងផ្អែកលើនរណាម្នាក់ឡើយ។ នេះគឺជាការបង្កើនការគោរពដល់ខ្លួនឯងនិងធ្វើឱ្យខ្លួនឯងកាន់តែមានទំនុកចិត្តក្នុងការប្រឈមមុខនឹងស្ថានភាពណាមួយនៅក្នុងជីវិត។ លើសពីនេះទៅទៀតក្នុងនាមជា ស្ត្រីតែងតែមានសេចក្តីប្រាថ្នានិងក្តីសុបិន្តខ្លះ ប៉ុន្តែដើម្បីបំពេញនូវអ្វីដែលពួកគេត្រូវពឹងផ្អែកលើឪពុកម្តាយឬប្តីប្រពន្ធ។ មានភាពឯករាជ្យផ្នែកហិរញ្ញវត្ថុនឹងជួយឱ្យពួកគេអាចបំពេញសេចក្តីត្រូវការរបស់ពួកគេបានគ្រប់គ្រាន់ដូចជាធ្វើវគ្គសិក្សាសម្រាប់ការបង្កើនជំនាញការធ្វើដំណើរកម្សាន្តជាមួយមិត្តភក្តិទិញរបស់របរដែលពួកគេចង់បានជាដើម។
• ឈប់មានអារម្មណ៍ថាអស់សង្ឃឹម៖ មនុស្សស្រីជាច្រើនដែលបានរងគ្រោះ ដោយអំពើហិង្សាពីបុរសជាប្ដី ប៉ុន្តែពួកគេនៅតែស៊ូទ្រាំព្រោះពេលខ្លះពួកគេគិតថាគេគ្មានគោលជំហរនៅក្នុងជីវិតនោះឡើយ បើគ្មានប្ដីគេនឹងពិបាកក្នុងការរស់នៅដូចជាអាចគ្មានលុយកាក់ផ្គត់ផ្គង់ជីវភាពជាដើម។ ដូច្នេះវាមានសារៈសំខាន់ខ្លាំងណាស់ដែលស្ត្រីគ្រប់រូបក្លាយជាអ្នកឯករាជ្យផ្នែកហិរញ្ញវត្ថុ ដូច្នេះពួកគេមិនត្រូវមានអារម្មណ៍ថាអស់សង្ឃឹមក្នុង ឬពឹងតែទៅអ្នកដទៃឡើយ។
• ដើម្បីក្លាយជាមនុស្សស្រីគំរូ៖ ស្ត្រីម្នាក់ដែលមានសមត្ថភាពឈរជើងដោយខ្លួនឯងនិងមានគំនិតផ្ទាល់ខ្លួនថាជាគំរូនិង ជាប្រភពនៃការលើកទឹកចិត្តដល់ស្ត្រីដទៃទៀតនៅក្នុងសង្គម។ នាងលើកទឹកចិត្តអ្នកដទៃឱ្យក្រោកឈរឡើងដោយសេចក្តីថ្លៃថ្នូរហើយនិយាយថាទេចំពោះអំពើហិង្សា។ លើសពីនេះទៅទៀតកុមាររៀនពីអ្វីដែលពួកគេបានឃើញ។ ប្រសិនបើក្មេងៗឃើញថាម្តាយរបស់ពួកគេឯករាជ្យផ្នែកហិរញ្ញវត្ថុពួកគេក៏នឹងយល់ពីតម្លៃនៃប្រាក់ហើយត្រូវបានជំរុញឱ្យមានភាពគ្រប់គ្រាន់នៅក្នុងជីវិតនៅពេលពួកគេធំឡើង។
• ដើម្បីជាប្រយោជន៍ដល់ប្រទេស៖ ប្រសិនបើស្ត្រីភាគច្រើននៅក្នុងប្រទេសរបស់យើងចាប់ផ្តើមរកប្រាក់ចំណូលពួកគេនឹងក្លាយជាអ្នកប្រើប្រាស់ ហើយចាប់ផ្តើមចំណាយប្រាក់ដោយហេតុនេះជំរុញផលិតផលក្នុងស្រុកសរុប (GDP) របស់ប្រទេស។ គួរបញ្ជាក់ផងដែរថាពន្ធដែលបង់ដោយពួកគេ នឹងបង្កើនប្រាក់ចំណូលរបស់រដ្ឋាភិបាលហើយអាចត្រូវបានប្រើសម្រាប់សុខុមាលភាពរបស់ប្រជាជន។ លើសពីនេះទៅទៀតការកើនឡើងនៃចំនួនប្រជាជនដែលកំពុងធ្វើការក៏នឹងនាំឱ្យមានការកើនឡើងនូវប្រាក់ដែលបានបរិច្ចាគដល់អង្គការសប្បុរសធម៌ផងដែរដែលជាហេតុធ្វើឱ្យសុខុមាលភាពសង្គមធ្លាក់ចុះ៕
