បរទេស៖ នៅលើពិភពលោក មានករណីឆ្លងថ្មី នៃវីរុសកូរ៉ូណា ហៅកាត់ «កូវីដ-១៩» កើនដល់ ៦៦៩ ៤០១នាក់ និងស្លាប់ថ្មី ១៧ ២៣៥នាក់ ធ្វើឲ្យចំនួនអ្នកឆ្លងសរុបកើនដល់ ៩៧ ២៧៩ ៧៤៣នាក់ ស្លាប់ ២ ០៨១ ៥៤១នាក់ អ្នកជាសះស្បើយ ៦៩ ៨២៨ ៩៧២នាក់ និងអ្នកកំពុងសម្រាកព្យាបាល ២៥ ៣៦៩ ២៣០នាក់ ហើយក្នុងនោះមានអ្នកឈឺធ្ងន់ ១១២ ៣៣៧នាក់។
ទោះជាយ៉ាងណា រហូតមកដល់ពេលនេះ សហរដ្ឋអាមេរិក នៅតែជាប្រទេសរងគ្រោះដោយសារកូវីដ-១៩ខ្លាំងជាងគេ នៅលើពិភពលោក។ សហរដ្ឋអាមេរិក មានអ្នកឆ្លងសរុប ២៤ ៩៩៧ ២៥៥នាក់ (ករណីឆ្លងថ្មី ១៨៦ ៧០៦នាក់) ស្លាប់ ៤១៥ ៨២៩នាក់ (ស្លាប់ថ្មី ៤ ៣០៩នាក់) និងអ្កជាសះស្បើយ ១៤ ៩៦៤ ៩៦៦នាក់។
ឥណ្ឌា មានអ្នកឆ្លងច្រើនលំដាប់លេខ២ នៅលើពិភពលោក។ ប្រទេសមានប្រជាពលរដ្ឋច្រើនលំដាប់ទី២មួយនេះ មានអ្នកឆ្លង ១០ ៦១១ ៧១៩នាក់ (ករណីឆ្លងថ្មី ១៥ ២៧៧នាក់) ស្លាប់ ១៥២ ៩០៦នាក់ (ករណីស្លាប់ថ្មី ១៥២នាក់) និងអ្នកជាសះស្បើយ ១០ ២៦៥ ១៦៣នាក់។
ដោយឡែកប្រទេស មានអ្នកឆ្លងកូវីដច្រើន បន្ទាប់ពីប្រទេសទាំង២ខាងលើនេះ រួមមាន ប្រេស៊ីល រុស្ស៊ី អង់គ្លេស បារាំង អ៊ីតាលី អេស្ប៉ាញ តួកគី អាល្លឺម៉ង់ កូឡុំប៊ី អាហ្សង់ទីន ម៉ិកស៊ិក ប៉ូឡូញ…ជាដើម៕