សមាជិកអ្នកសារព័ត៌មានទទួលបាននូវបទពិសោធន៍នៃសក្តានុពលល្បឿនលឿននៃរថភ្លើងក្បាលគ្រាប់កាំភ្លើង ជំនាន់ថ្មីរបស់ប្រទេសជប៉ុន។ ពួកគេបានជិះវាសម្រាប់ការសាកល្បង ដែលមានល្បឿន ៣៨០ គីឡូម៉ែត្រក្នុងមួយម៉ោង ដែលលឿនជាងរថភ្លើងបច្ចុប្បន្ន ៦០ គីឡូ ម៉ែត្រក្នុងមួយម៉ោង។
វាជាការឡើងជិះលើកដំបូងរបស់ក្រុមប្រព័ន្ធផ្សព្វផ្សាយនៅលើរថភ្លើង ALFA-X ។ វាជាកំណែសាកល្បងនៃរថភ្លើង ក្បាលគ្រាប់កាំភ្លើងថ្មី ដែលក្រុមហ៊ុន East Japan Railway Company កំពុងអភិវឌ្ឍ។ វាមានផ្នែកខាងមុខខុសគ្នាពីម៉ូឌែលមុនៗ ហើយរថភ្លើងនេះ ត្រូវបានបំពាក់ដោយប្រព័ន្ធឈប់បណ្តោះអាសន្ន។ ការជិះលើរថភ្លើងមានភាពរលូនបំផុត ដោយគ្មានការរញ្ជួយគួរឱ្យកត់សម្គាល់។ ដបប្លាស្ទិចមួយដាក់នៅលើតុស្ទើរតែមិនរំកិល។
ក្រុមហ៊ុន East Japan Railway Company គ្រោងនឹងដំណើរការម៉ូឌែលថ្មីក្នុងល្បឿនរហូតដល់ ៣៦០ គីឡូម៉ែត្រក្នុងមួយម៉ោង។ ក្រុមហ៊ុនមានបំណងកាត់បន្ថយពេលវេលា ធ្វើដំណើរនៅ ខ្សែរថភ្លើងកោះ Hokkaido Shinkansen នៅពេលដែលវាត្រូវបានបន្ថែមផ្លូវរត់ ទៅតំបន់ Sapporo ក្នុងឆ្នាំសារពើពន្ធ ២០៣០ ។ បច្ចុប្បន្នវាភ្ជាប់ក្រុងតូក្យូ ជាមួយភាគខាងត្បូងនៃខេត្តហុកកៃដូ។
