ភ្នំពេញ៖ នាវេលាម៉ោង១៨និង៤៥នាទី នៅល្ងាចថ្ងៃទី១៧ ខែតុលា ឆ្នាំ២០២០ អាជ្ញាធរបានរាយការណ៌ឲ្យដឹងថា សត្វក្រពើមួយក្បាល ដែលបានរួចចេញពីកសិដ្ឋានមួយនៅក្នុងសង្កាត់ព្រែកកំពឹស ខណ្ឌដង្កោ ភ្នំពេញ ខណ:នេះអាជ្ញាធរចាប់បានហេីយ ។
គួររំលឹកថា កាលពីព្រឹកថ្ងៃទី១៥ ខែតុលា ឆ្នាំ២០២០ មានការភ្ញាក់ផ្អើលមួយបានកើតឡើង ដោយមានសត្វក្រពើ១ក្បាល មានទម្ងន់ជាង៣០គីឡូក្រាម បានរួចចេញពីពីកសិដ្ឋានចិញ្ចឹមក្រពើមួយកន្លែង ស្ថិតក្នុងភូមិក្រាំងស្វាយ សង្កាត់ព្រែកកំពឹស ខណ្ឌដង្កោ ធ្វើឲ្យប្រជាពលរដ្ឋមានការព្រួយបារម្ភពីសុវត្ថិភាពជាខ្លាំង ខ្លាចសត្វក្រពើនេះប្រហារ។
ប៉ុន្តែក្នុងខណៈពេលនេះលែងមានអ្វីដែលគួរឲ្យបារម្ភហើយ ព្រោះអាជ្ញាធរចាប់បានក្រពើនេះវិញហើយ ៕