ពិព័រណ៍យានគ្មានមនុស្សបើក (ដ្រូន) ដ៏ធំបំផុតមួយរបស់ជប៉ុន កំពុងដំណើរការនៅជិតទីក្រុងតូក្យូ ដោយបង្ហាញយានគ្រប់គ្រងបញ្ជាពីចម្ងាយ ត្រូវបានរចនាឡើងសម្រាប់តួនាទីផ្សេងៗគ្នា។ មានអង្គការជាង ១០០ បាននាំយកនូវការច្នៃប្រឌិតថ្មីបំផុតរបស់ពួកគេទៅចូលរួមពិព័រណ៌នៅប្រទេសជប៉ុន Japan Drone 2020 នៅទីក្រុង Chiba ។
ក្នុងចំណោមយានទាំងអស់ (ដ្រូន) គឺមានដ្រូនមួយ បង្កើតរួមគ្នាដោយសាកលវិទ្យាល័យនិងការិយាល័យស្ថាបត្យករ។ វាអាចដឹកមនុស្សម្នាក់បាន និងអាចដឹកទំនិញផ្ទុកទម្ងន់ ១០០ គីឡូក្រាមដោយជោគជ័យក្នុងការហោះហើរសាកល្បង។ អ្នកអភិវឌ្ឍន៍មានគោលបំណងប្រើប្រាស់យាននេះ នៅតាមកន្លែងគ្រោះមហន្តរាយនានា។
យានគ្មានមនុស្សបើកមួយផ្សេងទៀត ត្រូវបានបង្កើតឡើងដោយការចាប់ផ្តើមនៅទីក្រុងតូក្យូ ត្រូវបានរចនាឡើងសម្រាប់ប្រើប្រាស់ក្នុងការនេសាទ។ វាអាចបើកនៅក្រោមកម្លាំងខ្យល់ ខណៈពេលដែលចាប់ហ្វូងត្រីដោយរ៉ាដា។
នាយកប្រតិបត្តិក្រុមហ៊ុនអភិវឌ្ឍន៍ Everblue Technologies លោក Noma Tsunetake និយាយថាបច្ចេកវិទ្យាដ្រូនកំពុងមានការរីករាលដាលកាន់តែច្រើន ហើយនឹងត្រូវបានប្រើដើម្បីស្វ័យប្រវត្តិកម្ម ឬបង្កើតប្រព័ន្ធដែលគ្មានមនុស្សបើក សម្រាប់វិស័យជាច្រើនដែលពឹងផ្អែកលើកម្លាំងពលកម្មបច្ចុប្បន្ន។
