រដ្ឋមន្ត្រី ក្រសួងហិរញ្ញវត្ថុ មកពីក្រុមប្រទេសទាំង៧ ដែលបានគាំទ្រ បណ្តាប្រទេសនានា ដល់ការពន្យារពេលបំណុលសម្រាប់ប្រទេសដែលមានប្រាក់ចំណូលទាបហួសពីដំណាច់ឆ្នាំនេះ។
កាលពីខែមេសាក្រុមប្រទេសទាំង ២០ បានយល់ព្រមផ្អាកការទូទាត់បំណុលទ្វេភាគីជាផ្លូវការ សម្រាប់ប្រទេសក្រីក្របំផុតរហូតដល់ដំណាច់ឆ្នាំ។ ក្នុងអំឡុងពេលនៃការប្រាស្រ័យទាក់ទងគ្នារដ្ឋមន្រ្តី ក្រុមប្រទេសG7 បានពិភាក្សាអំពីហិរញ្ញវត្ថុដែលកាន់តែអាក្រក់ទៅ ៗ នៃបណ្តាប្រទេសកំពុងអភិវឌ្ឍន៍ ដោយសារតែការរីករាលដាលនៃជំងឺឆ្លង។ បំណុលដែលកើនឡើងរបស់ពួកគេត្រូវបានគេមើលឃើញថាជាហានិភ័យដល់សេដ្ឋកិច្ចពិភពលោក។
នៅក្នុងសេចក្តីថ្លែងការណ៍មួយ រដ្ឋមន្ត្រីបានសម្តែងការគាំទ្រសម្រាប់ការបន្ថែមគំនិតផ្តួចផ្តើមនេះ។ ស្ថាប័នហិរញ្ញវត្ថុដែលគ្រប់គ្រងដោយរដ្ឋាភិបាលចិន មិនបានទទួលយកការផ្អាកការទូទាត់បំណុលទេ ទោះជាបន្ទាប់ពីកិច្ចព្រមព្រៀង G20 ក៏ដោយ។ រដ្ឋមន្រ្តី ប្រទេស G7 បានសម្តែងការសោកស្តាយចំពោះប្រទេសមួយចំនួន ដែលគេចវេសមិនចូលរួម ដោយចាត់ថ្នាក់ស្ថាប័នគ្រប់គ្រងដោយរដ្ឋ ក្នុងនាមជាអ្នកផ្តល់ប្រាក់កម្ចីពាណិជ្ជកម្ម។
រដ្ឋមន្រ្តីហិរញ្ញវត្ថុជប៉ុន លោក Aso Taro បានប្រាប់អ្នកយកព័ត៌មានថា ការឆ្លើយតបដោយយុត្តិធម៌ដោយម្ចាស់បំណុលទាំងអស់ រួមទាំងប្រទេសចិនគឺចាំបាច់ដើម្បីគាំទ្រយ៉ាងពេញទំហឹងដល់ប្រទេសកំពុងអភិវឌ្ឍន៍ជាមួយនឹងការជាប់បំណុល។ លោកបានបន្ថែមទៀតថា វាពិតជាមានសារៈសំខាន់ខ្លាំងដែលប្រទេសG7មានការយល់ដឹងរួមគ្នា។
