រដ្ឋមន្ត្រីហិរញ្ញវត្ថុ នៃកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក(APEC) បានជួបប្រជុំគ្នា ដើម្បីចែករំលែក ការផ្លាស់ប្តូរយោបល់ ស្តីពីការធ្វើអន្តរាគមន៏រូបីយវត្ថុនិងឆ្នាំសារពើពន្ធ ដើម្បីបន្ធូបន្ថយផលប៉ះពាល់សេដ្ឋកិច្ច ដោយសារតែជម្ងឺឆ្លង កូវីត-19 ព្រមទាំងនិងក៏សាង សេដ្ឋកិច្ចដែលនៅតែរឹងមាំ។
លោក Tengku Zafrul Tengku Abdul Aziz រដ្ឋមន្រ្តីក្រសួងហិរញ្ញវត្ថុម៉ាឡេស៊ី ដែលជាប្រធាននៃកិច្ចប្រជុំនេះបាននិយាយថាសមាជិក APEC បានធ្វើការរួមគ្នាជាតំបន់មួយហើយនិងនៅតែបន្តធ្វើដូច្នេះដោយការឆ្លើយតបប្រកបដោយការយោគយល់គ្នានិងទូលំទូលាយក៏ដូចជាការទទួលខុសត្រូវរួមគ្នា។
ខណៈការរីករាលដាលនៃជំងឺរាតត្បាត គំរាមកំហែងដល់ប្រព័ន្ធសុខាភិបាលនិងសេដ្ឋកិច្ចជុំវិញពិភពលោក សេដ្ឋកិច្ចជាសមាជិក APEC បានឆ្លើយតបជាមួយនឹងវិធានការណ៍ជាច្រើនដើម្បីដោះស្រាយផលប៉ះពាល់នៃជំងឺរាតត្បាតនេះ។
យោងតាមក្រសួងហិរញ្ញវត្ថុរបស់ប្រទេសម៉ាឡេស៊ី បានឲ្យដឹងថាបន្ទាប់ពីកិច្ចពិភាក្សាប្រកបដោយផ្លែផ្កា គណៈប្រតិភូបានចេញសេចក្តីថ្លែងការណ៍រួមថ្នាក់រដ្ឋមន្រ្តីដែល ផ្តល់នូវការយល់ដឹងអំពីរបៀបដែល APEC បានឆ្លើយតបជារួមទៅនឹងការរីករាលដាលនៃជំងឺកូវីត- ១៩ តាមរយៈវិធានការសារពើពន្ធនិងរូបិយវត្ថុសំដៅជួយដល់ជីវភាពរស់នៅរបស់ប្រជាជន ក៏ដូចជាពាណិជ្ជកម្មនៅក្នុង APEC ។
APEC ក៏ទទួលស្គាល់ផងដែរនូវតួនាទីសំខាន់នៃ ឌីជីថលក្នុងការធានាការធ្វើសមាហរណកម្មហិរញ្ញវត្ថុនិងការដាក់បញ្ចូលក៏ដូចជាតម្រូវការសម្រាប់ការរៀបចំហិរញ្ញវត្ថុតាមរយៈហិរញ្ញប្បទានហានិភ័យនិងធានារ៉ាប់រង។
កិច្ចប្រជុំនេះត្រូវបានចូលរួមដោយតំណាងមកពីក្រសួងហិរញ្ញវត្ថុ ធនាគារកណ្តាល និងនិយតករហិរញ្ញវត្ថុនៃសេដ្ឋកិច្ច APEC ក៏ដូចជាអង្គការអន្តរជាតិដែលត្រូវបានរៀបចំឡើងជាទម្រង់ជាក់ស្តែងជាលើកដំបូង។ APEC គឺជាវេទិកាសេដ្ឋកិច្ចក្នុងតំបន់ដែលត្រូវបានបង្កើតឡើងក្នុងឆ្នាំ ១៩៨៩ ដើម្បីជម្រុញការពឹងពាក់គ្នាទៅវិញទៅមកដែលកំពុងកើនឡើងនៃតំបន់អាស៊ីប៉ាស៊ីហ្វិក។
សមាជិកទាំង ២១ប្រទេស របស់ APEC មានគោលបំណងបង្កើតនូវវិបុលភាពកាន់តែច្រើនសម្រាប់ប្រជាជនក្នុងតំបន់តាមរយៈការលើកកម្ពស់កំណើនប្រកបដោយតុល្យភាព សមាហរណកម្មប្រកប ដោយនិរន្តរភាពនិងសុវត្ថិភាពនិងតាមរយៈការពន្លឿនសមាហរណកម្មសេដ្ឋកិច្ចក្នុងតំបន់។
