រដ្ឋធានីបេរូត៖ អគារដាក់គ្រឿងសព្វាវុធមួយកន្លែងរបស់ក្រុមហេប៊ុលឡាហ៍ បានផ្ទុះឡើងយ៉ាងខ្លាំង កាលពីថ្ងៃទី២២ ខែកញ្ញា ឆ្នាំ២០២០ នៅភាគខាងត្បូង ប្រទេសលីបង់។
ពលរដ្ឋរស់នៅភូមិ AIN QANA បានអះអាងថា អគារដែលផ្ទុះនោះ ជាការិយាល័យរបស់ពួកហេសប៊ុលឡាហ៍។ នៅក្នុងហេតុការណ៍នោះ សមាជិកចលនាស៊ីអ៊ីត នៅប្រទេសលីបង់ បានឡោមព័ទ្ធតំបន់នោះ ហើយពួកគេមិនអនុញ្ញាតឲ្យប្រជាពលរដ្ឋចូលនោះដែរ។ រីឯការផ្ទុះនេះមានកម្លាំងខ្លាំង បានធ្វើឲ្យកក្រើកញាប់ញ័រកក្រើកតំបន់នោះយ៉ាងខ្លាំង។
បើតាមភ្នាក់ងារព័ត៌មានលីបង់ ANI បានផ្សាយថា គេមិនទាន់ដឹងអំពីមូលហេតុ នៃការផ្ទុះនេះនៅឡើយ។ ប៉ុន្ដែស្របពេលនោះ យន្តហោះសត្រូវបានហោះសំដៅទៅលើអ៊ីស្រាអែល ចាប់តាំងពីព្រឹកព្រលឹម។ បើតាមព័ត៌មានដំបូង ទីតាំងផ្ទុះនោះ ពិតជាកន្លែងរបស់ពួកហេសប៊ុលឡាហ៍ សង័្សយមានស្តុកគ្រាប់រំសេវ។ ជាមួយគ្នានេះដែរ កងទ័ពលីបង់ក៏ត្រូវបញ្ជូនទៅកាន់ទីនោះ និងជំរុញឲ្យស៊ើបអង្កេត៕
