រាជធានីភ្នំពេញ ៖ ក្មេងស្រីអាយុ១៤ឆ្នាំ ត្រូវជនមិនស្គាល់មុខចាប់អាក.សម្លាប់យ៉ាងព្រៃផ្សៃ ស្លាប់ក្នុងថ្លុកឈាមគួរឲ្យសង្វេគ ត្រូវបានគេប្រទះឃើញសព បង្កការភ្ញាក់ផ្អើល នៅវេលាម៉ោង៤រសៀល ថ្ងៃទី០១ ខែកញ្ញា ឆ្នាំ២០២០ នៅភូមិជ្រៃកោង ចោមចៅ២ ទឹកដីពោធិ៍សែនជ័យ ។

ម្ដាយក្មេងស្រីរងគ្រោះ បានប្រាប់ឲ្យដឹងថា កូនស្រីគាត់ (ក្មេងស្រីរងគ្រោះ) មានឈ្មោះស្រីពេជ្យ អាយុ១៤ឆ្នាំ ជាសិស្សសាលា ។ មុនពេលកើតហេតុ គាត់ជាម្ដាយ បានចេញទៅក្រៅទិញអីវ៉ានអីហូប ដោយទុកអោយកូនស្រីមើលទូរទស្សន៍តែម្នាក់ឯង លុះពេលគាត់ត្រលប់មកវិញ ស្រាប់តែឃើញកូនស្រីដេកស្តូកស្តឹង ហើយខ្លួនប្រលាក់ឈាមពេញខ្លួន ដោយខោរអាវរហែកចេញពីខ្លួនអស់ ទើបស្រែកផ្អើលឆោឡោឲ្យអ្នកជិតខាងជួយ។

ក្រោយកើតហេតុ កម្លាំងសមត្ថកិច្ច បានចុះអន្តរាគមន៍ធ្វើការពិនិត្យសពក្មេងស្រីរងគ្រោះ។ តាមការសន្និដ្ឋានជំហានដំបូងរបស់សមត្ថកិច្ច អាចជាករណីឃាតកម្មរំលោភសម្លាប់តាមក្រោយ តែយ៉ាងណា សមត្ថកិច្ចកំពុងធ្វើការស្រាវជ្រាវរកមូលហេតុពិតប្រាកដ និងតាមចាប់ខ្លួនជនដៃដល់នាំមកផ្តន្ទាទោសតាមច្បាប់៕