សៀមរាប ៖ សំណង់​ភោជនីយដ្ឋាន តូប​លក់​ម្ហូបអាហារ សម្លៀក​បំពាក់ និង​គ្រឿង​ភេសជ្ជៈ​ផ្សេង​ៗ ចំនួន​ប្រមាណ​១៥០​ខ្នង មុខ​បរិវេណ​ខាងលិច​ប្រាសាទអង្គរវត្ត ផ្នែក​ខាងត្បូង​ផ្លូវ​ចូល និង​មាត់​ត្រពាំង​សេស ត្រូវ​បាន​រុះរើ​រួចរាល់​ទាំងស្រុង រហូត​មក​ដល់​ព្រឹក​ថ្ងៃ​ទី​២៨ ខែសីហា ឆ្នាំ​២០២០​នេះ ហើយ​តម្រូវ​ឲ្យ​ទៅ​លក់ដូរ​ជុំ​គ្នា នៅ​ក្នុង​បរិវេណ​នៃ​បណ្តុំ​អគារ​ទីលាន​បដិសណ្ឋារកិច្ច ដែល​ជា​សំណង់​ថ្មី ស្អាត ងាយស្រួល និង​មាន​អនាម័យ​ល្អ​ជាង​មុន ។

ទទួលបានព័ត៌មានថ្មីៗទាន់ហេតុការណ៍រាល់ថ្ងៃ សូមចូលទៅកាន់ Channel Telegram KBN News

ចាប់ផ្ដើម​តាំងពី​ឆ្នាំ​២០២០ ដោយ​មានការ​ស្ម័គ្រចិត្ត និង​ឆន្ទៈ​រួមចំណែក ក្នុង​ការ​អភិវឌ្ឍ​ហេ​ដ្ឋា​រចនា​សម្ពន្ធ និង​សម្បទាន​ទេសចរណ៍​របស់​ម្ចាស់​សំណង់​អាជីវកម្ម ក្រោម​កិច្ច​សម្របសម្រួល​របស់​អាជ្ញាធរ​ជាតិ​អប្សរា ក្នុង​ការ​រុះរើ​តូប​លក់​អីវ៉ាន់​គ្រប់មុខ ឥឡូវ​ពួក​គេ​បាន​រុះរើ​បញ្ចប់​ជា​ស្ថាពរ​ហើយ ដើម្បី​រួម​គ្នា​លើក​តម្លៃ​រមណីយដ្ឋាន​អង្គរ​ឱ្យ​សមជា​បេតិកភណ្ឌ​ពិភពលោក ៕