ម៉ិចស៊ិកូ ៖ ក្រសួងសុខាភិបាលរបស់ប្រទេសម៉ិចស៊ិក បានរាយការណ៍កាលពីថ្ងៃអង្គារ ទី២៥ សីហានេះថា បុគ្គលិកថែទាំសុខភាពជាង ១,៣០០ នាក់ បានស្លាប់ដោយសារជំងឺឆ្លង នៅក្នុងប្រទេសម៉ិកស៊ិក ចាប់តាំងពីវីរុសកូវីដ-១៩ ចាប់ផ្តើមរាតត្បាត នេះបើយោងតាមទីភ្នាក់ងារសារព័ត៌មាន CNN ។
ក្រសួងក៏បានរាយការណ៍ពីករណីឆ្លងកូវីដ-១៩ ចំនួន ៤.៩១៦ករណីថ្មីទៀតនៅថ្ងៃអង្គារ៍នេះ ដែលធ្វើអោយចំនួនសរុបកើនឡើងដល់ ៥៦៨.៦២១ករណីហើយ ។ ក្នុងថ្ងៃដដែលនេះមានអ្នកស្លាប់ ៦៥០នាក់ទៀត ដែលចំនួនអ្នកស្លាប់សរុបនៅក្នុងប្រទេសកើនដល់ ៦១.៤៥០នាក់ ក្នុងនោះមានបុគ្គលិកសុខាភិបាល ១.៣២០នាក់ ៕