រាជធានីភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងនាយឧត្តមសេនីយ៍ នេត សាវឿន អគ្គស្នងការនគរបាលជាតិ បានចេញសេចក្ដីសម្រេចដកហូតមុខតំណែង ផ្ទេរភារកិច្ច និងអនុវត្តវិន័យទៅលើមន្ដ្រីនគរបាលមួយក្រុម ដែលពាក់ព័ន្ធការល្មើសវិន័យរបស់កងកម្លាំងនគរបាលជាតិ កាលពីពេលថ្មីៗ នៅក្នុងប្រតិបត្តិការបង្ក្រាបករណីគ្រឿងញៀន ដែលទទួលការរិះគន់នៅតាមបណ្ដាញសង្គម។
មន្ត្រីនគរបាលខេត្តព្រៃវែង ចំនួន ៧នាក់ រួមមាន ៖
ទី១- លោកឧត្ដមសេនីយ៍ត្រី ថោង វណ្ណឌី សម្រួលភារកិច្ចពីស្នងការរងទទួលបន្ទុកគ្រឿងញៀន មកជា ស្នងការរង ។
ទី២- លោកវរៈសេនីយ៍ឯក ពៅ ជីវ័ន្ត ប្រធានការិយាល័យប្រឆាំងគ្រឿងញៀន ព្រមានលើកទី១ ពីបទល្មើសវិន័យនគរបាលជាតិ ។
ទី៣- លោកអនុសេនីយ៍ឯក ទូច ធារ៉ា ត្រូវដកហូតមុខតំណែងពីនាយរងការិយាល័យប្រឆាំងគ្រឿងញៀន មកជាមន្ត្រី និង បន្ថយឋានន្តរស័ក្ដិ អនុសេនីយ៍ឯក មកជា អនុសេនីយ៍ទោ ។
ទី៤- លោកអុនុសេនីយ៍ឯក ស៊ី បូ ត្រូវបានដកហូតមុខតំណែងពីនាយផ្នែកមកជាមន្ត្រី
និងទី៥- ចំណែក មន្ត្រី៣នាក់ផ្សេងទៀត ត្រូវបន្ថយ ឋានន្តរស័ក្ដិមួយថ្នាក់ម្នាក់ ។
ខាងក្រោមនេះ ជាសេចក្ដីសម្រេចរបស់សម្ដេចក្រឡាហោម ស ខេង និងនាយឧត្តមសេនីយ៍ នេត សាវឿន ៖
