រាជធានីភ្នំពេញ ៖ ភ្លៀងធ្លាក់មួយមេធំលាយឡំខ្យល់កន្ត្រាក់ បានធ្លាក់មកលើរាជធានីភ្នំពេញជាច្រើនម៉ោង បណ្ដាលឲ្យផ្លូវមួយចំនួនទទួលរងការនូវការជន់លិច ដោយជំនន់ទឹកភ្លៀង កាលពីល្ងាចថ្ងៃទី៦ ខែសីហា ឆ្នាំ២០២០ ម្សិលមិញនេះ ។
មេឃកំពុងភ្លៀងខ្លាំងនិងទឹកជន់លិចនោះគេ បានឃើញលោក ឯក ឃុនឌឿន អភិបាលខណ្ឌទួលគោក និងលោកសាំ ពិសិដ្ឋ ប្រធានមន្ទីរសាធារណការ បានដឹកនាំកម្លាំង ចុះដោយផ្ទាល់ចុះ ជួយកាយសំរាមពីមាត់លូភ្លាមៗ ដើម្បីកុំឲ្យស្ទះផ្លូវទឹកហូរក្នុងមូលដ្ឋាន ដើម្បីឲ្យទឹកហូរឲ្យបានលឿន និងជំលាស នៃការកកស្ទះចរាចរណ៍ផងដែរ ។
គួរបញ្ជាក់ថា អាជ្ញាធរមូលដ្ឋាន លោកអភិបាលក្រុង ជាច្រើនដងបានសំណូមពរដល់ប្រជាពលរដ្ឋទាំងអស់ សូមជួយទុកដាក់សំរាមឲ្យបានត្រឹមត្រូវ ដោយសារតែពេលភ្លៀងធ្លាក់ម្តងៗឃើញមានសំរាមអណ្ដែតពេញផ្ទៃទឹក និងហូរចូលមាត់លូ បង្កឲ្យចរន្តទឹកហូរមិនរួចបណ្ដាលឲ្យលិចលង់ ៕
