ខេត្តរតនៈគិរី ៖ បុរសម្នាក់ដែលជាម្ចាស់ក្របីបានប្រលែងក្របីរបស់ខ្លួនចេញពីក្រោយតែត្រូវក្របីដែលទើបកើតកូនមួយក្បាលបានវ័ធម្ចាស់ខ្លួនឯងបណ្តាលឲ្យរងរបួសធ្ងន់ ។ ហេតុការណ៍នេះបានកើតឡើងកាលពីវេលាម៉ោង០៧និង៤៩នាទីព្រឹក ថ្ងៃទី០៧ ខែសីហា ឆ្នាំ២០២០ ស្ថិតនៅភូមិកាចូនក្រោម ឃុំកាចូន ស្រុកវើនសៃ ។
បុរសជាម្ចាស់ដែលរងគ្រោះដោយសារក្របីវ័ធមានឈ្មោះ ង៉ែវ រុត ភេទប្រុស អាយុ ៤៧ឆ្នាំ ជនជាតិទំពួន មុខរបរស្មៀនឃុំកាចូន មានទីលំនៅនៅភូមិឃុំកើតហេតុខាងលើ ។ បន្ទាប់ពីកើតហេតុភ្លាមៗនោះក្រុមគ្រួសារជនរងគ្រោះក៏បានខ្នះខ្នែងរកជំនួយដើម្បីបញ្ជូនជនរងគ្រោះមកមន្ទីរពេទ្យ ។ បច្ចុប្បន្នជនរងគ្រោះត្រូវបានកំពុងសង្គ្រោះបន្ទាន់នៅមន្ទីរពេទ្យបង្អែកខេត្តរតនគិរី ៕
