អ្នកនាំពាក្យរបស់ក្រុមហ៊ុនយក្សបណ្តាយផ្សព្វផ្សាយសង្គមបាននិយាយ ថាក្រុមហ៊ុន Facebook នឹងអនុញ្ញាតឱ្យនិយោជិកធ្វើការពីផ្ទះរហូតដល់ខែកក្កដា ឆ្នាំ ២០២១ ដោយសារការផ្ទុះឡើងវីរុសកូរ៉ូណា ហើយនឹងផ្តល់ប្រាក់ចំនួន ១.០០០ ដុល្លារ សម្រាប់តម្រូវការការិយាល័យនៅផ្ទះ។ ក្រុមហ៊ុន Facebook ចូលរួមជាមួយក្រុមហ៊ុនបច្ចេកវិទ្យាធំៗ ផ្សេងទៀត ដែលបានអនុវត្តជំហានស្រដៀងគ្នា នាពេលថ្មីៗនេះ។
កាលពីចុងខែកក្កដា Google របស់ Alphabet បាននិយាយថា ក្រុមហ៊ុនអនុញ្ញាតឱ្យនិយោជិកដែលមិនចាំបាច់នៅក្នុងការិយាល័យ ធ្វើការពីផ្ទះរហូតដល់ចុងខែមិថុនាឆ្នាំ ២០២១ ខណៈដែលក្រុមហ៊ុន Twitter Inc បានស្នើសុំការងារពីចម្ងាយដោយគ្មានកំណត់សម្រាប់និយោជិកមួយចំនួនរបស់ខ្លួន។
អ្នកនាំពាក្យក្រុមហ៊ុន Facebook បាននិយាយនៅក្នុងសេចក្តីថ្លែងការណ៍តាមអ៊ីម៉ែលថា ផ្អែកលើការណែនាំពីអ្នកជំនាញសុខភាព និងរដ្ឋាភិបាល ក៏ដូចជាសេចក្តីសម្រេចដែលចេញពីការពិភាក្សាផ្ទៃក្នុងរបស់យើង អំពីបញ្ហាទាំងនេះ យើងកំពុងអនុញ្ញាតឱ្យនិយោជិកបន្តធ្វើការដោយស្ម័គ្រចិត្តពីផ្ទះរហូតដល់ខែកក្កដាឆ្នាំ ២០២១ ។ លើសពីនេះទៀតយើងកំពុងផ្តល់ឱ្យនិយោជិកនូវប្រាក់បន្ថែមចំនួន ១.០០០ ដុល្លារអាមេរិក សម្រាប់តម្រូវការការិយាល័យនៅផ្ទះ។
ក្រុមហ៊ុន Facebook ក៏បាននិយាយផងដែរថា ក្រុមហ៊ុននឹងបន្តបើកការិយាល័យឡើងវិញនៅក្នុងសមត្ថភាពដែលមានកំរិត ជាកន្លែងដែលមានការអនុញ្ញាតិពីការណែនាំរបស់រដ្ឋាភិបាល ។ ទោះយ៉ាងណា ក្រុមហ៊ុនបានបន្ថែមទៀតថា វាទំនងជាមិនមានទីតាំងជាច្រើននឹងបើកដំណើរការឡើងវិញនៅសហរដ្ឋអាមេរិកនិងអាមេរិកឡាទីន មុនដំណាច់ឆ្នាំនេះទេ ដោយសារតែចំនួននៃការឆ្លងរាលដាលជម្ងឺ COVID-១៩ ខ្ពស់។
