វៀតណាម ៖ ក្រសួងសុខាភិបាលវៀតណាមបានប្រកាសនៅថ្ងៃទី០៤ សីហានេះថា អ្នកស្លាប់ដោយសារ COVID-19 នៅប្រទេសវៀតណាមកើនដល់៨នាក់ ខណៈអ្នកឆ្លងកើនដល់ ៦៧០ករណី ។
អ្នកស្លាប់ថ្មីចំនួន២នាក់បន្ថែម ធ្វើឲ្យចំនួនអ្នកស្លាប់កើនដល់៨នាក់ ក្នុងនោះបុរសអាយុ៦៥ឆ្នាំ និងស្ត្រីអាយុ៦២ឆ្នាំ ដែលមានបញ្ហាជំងឺខ្សោយតម្រងនោម និងបញ្ហាសុខភាពផ្សេងទៀត ។
រដ្ឋមន្ត្រីក្រសួងសុខាភិបាលវៀតណាម លោក Nguyen Truong Son បានមានប្រសាសន៍យ៉ាងដូច្នេះថា «អ្នកជម្ងឺមួយចំនួនទៀត មានហានិភ័យខ្ពស់ ក្នុងការស្លាប់ដោយសារ មានបញ្ហាសុខភាព និងអាយុចាស់» ។
គិតត្រឹមថ្ងៃទី០៤ ខែសីហា ឆ្នាំ២០២០នេះប្រទេសវៀតណាមមានករណីឆ្លង COVID-19 សរុបចំនួន ៦៧០ករណី ក្នុងនោះមានអ្នកស្លាប់ចំនួន៨នាក់ និងជាសះស្បើយចំនួន ៣៧៨នាក់ ៕
