ខេត្តមណ្ឌលគិរី៖ លោកស្រី ឈាង តៃស្រ៊ីន រស់នៅភូមិឡាប៉ាខេ ឃុំស្រែខ្ទុម ស្រុកកែវសីមា ខេត្តមណ្ឌលគិរី បានដាក់ពាក្យបណ្ដឹងប្តឹងឈ្មោះលោកហឿន សុខណា ភេទប្រុស ជាអភិបាលរងស្រុកកែវសីមា ដោយយករថយន្តដេញធ្វើឃាតប្រជាពលរដ្ឋខ្លួនឯងនៅក្នុងស្រុកកែវសីមា។
លោកស្រីឈាង តៃស្រ៊ីន បានបន្តថា សូមសំណូមពរដល់ថ្នាក់ដឹកនាំសម្ដេចហ៊ុនសែន អភិបាលខេត្ត និងថ្នាក់ជាតិមេត្តាដកលោក ហឿន សុខណា ចេញពីអភិបាលរងស្រុកកែវសីមាទៅ ដោយឈ្មោះ ហឿន សុខណា បានធ្វើទុកបុកម្នេញប្រជាពលរដ្ឋក្នុងស្រុកកែវសីមា បើប្រជាពលរដ្ឋដឹកឈើតាមម៉ូតូបន្តិចបន្តួច ឬក៏តាមឡានតែងតែសំឡុតគំរាមកំហែង ។ ចុះរថយន្តសាំយុងដឹកឈើក្នុងមួយយប់ៗបួនទៅប្រាំឡានមិនដែលចាប់បានមួយណាទេ យើងខ្ញុំប្រជាពលរដ្ឋរស់នៅក្នុងស្រុកកែវសីមា មានឈ្មោះចំនួន ២៤៥ នាក់បានផ្ដិតមេដៃគាំទ្រដាក់ពាក្យបណ្ដឹងប្ដឹងលោកហឿន សុខណា សូមលោកព្រះរាជអាជ្ញាអមសាលាដំបូងខេត្តមណ្ឌលគិរី មេត្តាជួយរកយុត្តិធម៌ឱ្យនាងខ្ញុំផងចុះ។
ចំពោះករណីខាងលើនេះបច្ចប្បន្នមិនទាន់ដឹងទៅជាយ៉ាងណានោះ ដោយក្រុមការងារសារព័ត៌មានពួកយើងរង់ចាំការបំភ្លឺពីគ្រប់ភាគីសងខាងទាំងអស់ ៕
