រដ្ឋមន្ត្រីក្រសួងការបរទេសអ៊ុយក្រែនលោក Dmytro Kuleba បាននិយាយកាលពីថ្ងៃសុក្រថា កិច្ចពិភាក្សាជាមួយអ៊ីរ៉ង់អំពីការបាញ់ទម្លាក់យន្តហោះដឹកអ្នកដំណើរអ៊ុយក្រែនមួយកាលពីក្នុងខែមករា ពេលនេះគឺមានលក្ខណៈវិជ្ជមាន ប៉ុន្តែវាឆាប់ពេកក្នុងការពិចារណាថា ក្រុងតេអេរ៉ង់នឹងយល់ព្រមបង់ប្រាក់ប៉ុន្មាន ។
លោករដ្ឋមន្ត្រីក្រសួងការបរទេសអ៊ុយក្រែនបានថ្លែងថា ៖«កិច្ចពិភាក្សាមានរយៈពេល១១ម៉ោងត្រូវបានបញ្ចប់កាលពីយប់មិញ ដោយឈានទៅរកភាពវិជ្ជមាន ។ អ៊ីរ៉ង់បានសម្រេចកិច្ចព្រមព្រៀង និងការការស៊ើបអង្កេតប្រកបដោយតម្លាភាព និងមិនលំអៀង» ។
កងកម្លាំងអ៊ីរ៉ង់បាននិយាយថា ពួកគេបានបាញ់ទម្លាក់យន្ដហោះអ៊ែរប៊ូអ៊ីង ៧៣៧ របស់ក្រុមហ៊ុនអាកាសចរណ៍អន្ដរជាតិអ៊ុយក្រែន បន្ទាប់ពីបានឆ្លងខុសចូលទៅក្នុងប្រព័ន្ធរ៉ាដាមីស៊ីល នៅពេលដែលមានភាពតានតឹងជាមួយសហរដ្ឋអាមេរិកបានកើនឡើង ។ មនុស្សទាំងអស់១៧៦នាក់នៅលើយន្តហោះរួមទាំងជនជាតិកាណាដា ៥៧ នាក់ត្រូវបានសម្លាប់ដោយសារឧប្បត្តិហេតុបាញ់ទម្លាក់យន្តហោះ ៕
ប្រភព ៖ Reuters , ដោយ ៖ សំណាង