ទីក្រុងប៉ីជីង ៖ នៅរសៀលថ្ងៃទី៣១ ខែកក្កដា ឆ្នាំ២០២០ នេះប្រទេសចិនបានច្រានចោលការចោទប្រកាន់មួយដែលថា ក្រុម Hacker បានភ្ជាប់ទំនាក់ទំនងទៅនឹងរដ្ឋាភិបាលរបស់ប្រទេសចិន ហើយបានកំណត់គោលដៅដើម្បីជ្រៀងចូលទៅក្នុងប្រព័ន្ធផ្ទុកទិន្នន័យរបស់ក្រុមហ៊ុន Moderna Inc ដែលជាក្រុមហ៊ុនជីវបច្ចេកវិទ្យារបស់អាមេរិក កំពុងផ្តោតសំខាន់ស្រាវជ្រាវផលិតវ៉ាក់សាំងការពារជំងឺរាតត្បាតកូវីដ១៩ និងមានមូលដ្ឋាននៅសហរដ្ឋអាមេរិកដើម្បីចូលលួចទិន្នន័យ ។
អ្នកនាំពាក្យក្រសួងការបរទេសលោក វ៉ាង វេន បានធ្វើសន្និសីទសារព័ត៌មានមួយភ្លាមៗថា ការចោទប្រកាន់នេះគឺគ្មានមូលដ្ឋានត្រឹមត្រូវ និងគ្មានភស្តុតាង ហើយចិនមិនចាំបាច់ និងមិនចូលរួមក្នុងការលួចបច្ចេកវិទ្យាទេ ៕
ប្រភព ៖ Reuters , ដោយ ៖ សំណាង