ប្រធានាធិបតីអាមេរិកលោក ដូណាល់ ត្រាំ កាលពីថ្ងៃព្រហស្បតិ៍បានលើកឡើងពីគំនិតចង់ពន្យាពេលការបោះឆ្នោតសហរដ្ឋអាមេរិក ដែលនឹងប្រព្រឹត្តទៅនៅថ្ងៃទី៣ ខែវិច្ឆិកា ឆ្នាំ២០២០ ខាងមុខតែត្រូវបានសមាជិកសភាដែលមកពីគណបក្សប្រជាធិបតេយ្យ និងគណបក្សសាធារណរដ្ឋបានច្រានចោលភ្លាមៗ ។ នេះបើយោងតាមប្រភពពីទីភ្នាក់ងារសារព័ត៌មាន Reuters ដែលបានចេញផ្សាយកាលពីថ្ងៃទី៣០ ខែកក្កដា ឆ្នាំ២០២០ ។
ក្រុមអ្នករិះគន់ និងសូម្បីតែសម្ព័ន្ធមិត្តរបស់លោក ត្រាំ បានច្រានចោលគំនិតនេះដោយលើកឡើងថា ជាការប៉ុនប៉ងពន្យាការបោះឆ្នោតនេះដើម្បីបង្វែរស្ថានការណ៍ដែលកំពុងបំផ្លិចបំផ្លាញសេដ្ឋកិច្ច ប៉ុន្តែអ្នកជំនាញច្បាប់មួយចំនួនបានព្រមានថា ការវាយប្រហារម្តងហើយម្តងទៀតរបស់លោក ត្រាំ អាចធ្វើឱ្យអន្តរាយដល់ជំនឿរបស់អ្នកគាំទ្ររបស់លោកចំពោះដំណើរការបោះឆ្នោតប្រធានាធិបតីសហរដ្ឋអាមេរិក ។
សេចក្តីថ្លែងការណ៍របស់លោក ត្រាំ នៅលើបណ្តាញសង្គម Twitter កើតឡើងនៅពេលដែលសហរដ្ឋអាមេរិកកំពុងប្រឈមមុខនឹងវិបត្តិពហុជាតិដែលកើតមានជាយូរមកហើយ និងជំងឺរាតត្បាតកូវីដ១៩ដែលបានឆក់យកជីវិតមនុស្សជាង ១៥០,០០០ នាក់ ការធ្លាក់ចុះនៃសេដ្ឋកិច្ចដែលបណ្តាលមកពីការផ្ទុះឡើងនៃជំងឺរាតត្បាតនេះ និងការតវ៉ាទូទាំងប្រទេសប្រឆាំងនឹងអំពើហិង្សារបស់ប៉ូលិសលើជនជាតិស្បែកខ្មៅ និងការរើសអើងជាតិសាសន៍ជាដើម ។
តាមការស្ទង់មតិរវាងលោក ត្រាំ ដែលបង្ហាញពីការប្រជែងគ្នាជាមួយបេក្ខភាពប្រជែងតំណែងប្រធានាធីបតីសហរដ្ឋអាមេរិកលោក Joe Biden បាននិយាយថា លោកនឹងមិនជឿទុកចិត្តលើលទ្ធផលនៃការបោះឆ្នោតដែលរាប់បញ្ចូលទាំងការចុះឈ្មោះតាមអ៊ីម៉ែលនោះទេ ដោយគ្មានភ័ស្តុតាងគាត់បានអះអាងថា ការប្រមូលសន្លឹកឆ្នោតតាមអ៊ីម៉ែលអាចនឹងមានការលួចបន្លំ ៕
ប្រភព ៖ Reuters , ដោយ ៖ សំណាង