ការស្ទង់មតិមួយបង្ហាញថា ប្រជាជនសហរដ្ឋអាមេរិកចំនួន ៥៣ ភាគរយ គិតថាប្រទេសចិនគួរតែចំណាយប្រាក់មួយចំនួនសម្រាប់ជំងឺរាតត្បាតកូវីត-19។ តួលេខនេះបានកើនឡើង ១១ ភាគរយ ចាប់តាំងពីសំណួរដដែលត្រូវបានសួរកាលពីខែមីនា។
ក្រុមហ៊ុនស្ទង់មតិឈ្មោះ Rasmussen Reports បានស្ទាបស្ទង់លើមនុស្សប្រហែល ១០០០ នាក់ ក្នុងសហរដ្ឋអាមេរិក តាមទូរស័ព្ទ និងតាមប្រព័ន្ធអ៊ីនធឺណេត នៅចុងខែកក្កដា។ តួលេខស្ទង់មតិរបស់ក្រុមហ៊ុនដែលត្រូវបានចេញផ្សាយបង្ហាញថា ៥០ ភាគរយនៃអ្នកបោះឆ្នោតសហរដ្ឋអាមេរិក គិតថាប្រទេសចិនគួរត្រូវបានស្តីបន្ទោសជាចម្បង ចំពោះការរីករាលដាលនៃមេរោគកូរ៉ូណា។ ចំពោះគណបក្សនយោបាយ ៧២ភាគរយនៃគណបក្សសាធារណរដ្ឋ និង៣៧ ភាគរយនៃគណបក្សប្រជាធិបតេយ្យ ប្រកាន់យកប្រទេសចិនឲ្យទទួលខុសត្រូវ។
របាយការណ៍និយាយថា អ្នកដែលដាក់កំហុសលើប្រទេសចិន ទំនងជានឹងយល់ព្រមលើការដោះស្រាយរបស់ប្រធានាធិបតី លោកដូ ណាល់ត្រាំ ជាមួយប្រទេសនៅអាស៊ីមួយនេះ។ លោក Trump បាននិយាយម្តងហើយម្តងទៀតសំដៅទៅលើវីរុសកូរ៉ូណាថាជា“ វីរុសចិន” ជាក់ស្តែងក្នុងគោលបំណងផ្លាស់ប្តូរការដាក់កំហុស នៅពេលមានការរិះគន់កាន់តែខ្លាំងឡើងលើរដ្ឋបាលរបស់លោក ខណៈចំនួននៃការឆ្លងរាលដាលបានកើនឡើងនៅទូទាំងសហរដ្ឋអាមេរិក។
