រាជធានីភ្នំពេញ ៖ តារាចម្រៀងជើងចាស់ដែលមានទឹកដមសំឡេងផ្អែមពិរោះរណ្តំចិត្ត អ្នកនាង ម៉េង កែវពេជ្ជតា កំពុងទទួលបានការចាប់អារម្មណ៍ពីសំណាក់ទស្សនិកជន បន្ទាប់ពីកំពូលតារាស្រីរូបនេះ បានគ្រងឈុតសម្លៀកបំពាក់បែបខ្មែរបុរាណ «រំដួលកម្ពុជា» ដោយមានកែច្នៃក្បូរក្បាច់រចនាតុបតែងយ៉ាងប្រណីត គួរជាទីគយគន់ ។
ភាពលេចធ្លោឈុតផ្ការំដួលរុំព័ទ្ធលើខ្លួន ជាមួយនឹងការតុបតែងម៉ូដសក់បួងឡើងលើ មើលទៅស្អា្តតប្លែក ធ្វើឲ្យកំពូលតារាចម្រៀងដែលជាម្ដាយរបស់កូនប្រុស-ស្រីដល់ទៅ ២នាក់រូបនេះ ក៏ទទួលបានការលើកសរសើរថា សមសួន ល្អល្អះ ពិតជាស័ក្ដិសមជានារីខ្មែរថ្លៃថ្នូរ ពីបណ្ដាអ្នកប្រើប្រាស់បណ្ដាញសង្គម ។
ថ្វីដ្បិតអ្នកនាង ម៉េង កែវពេជ្ជតា មានវ័យដល់ទៅសែផ្លាយទៅហើយ ប៉ុន្តែរូបសម្រស់នៅតែស្រស់ផូរផង់ សាច់ឈាមភ្លឺថ្លា សមនឹងរូបរាងតូចច្រឡឹងសខ្ចី ជាពិសេសពេលគ្រងឈុតបុរាណខ្មែរ នៅតែអាចក្ដោបបានទីផ្សារថតសម្អាងការបានមិនចាញ់សិល្បៈក្មេងៗជំនាន់ក្រោយនោះទេ ៕