ទីក្រុងប៉េកាំងបានប្រកាសប្រឆាំងដាច់ខាតចំពោះសេចក្តីថ្លែងការណ៍របស់សហរដ្ឋអាមេរិកស្តីពីសមុទ្រចិនខាងត្បូងដោយចោទប្រកាន់ទីក្រុងប៉េកាំងថាបានតំលោភច្បាប់អន្តរជាតិ ។ ការឆ្លើយតបនេះធ្វើឡើងបន្ទាប់ពីក្រសួងការបរទេសអាមេរិកបានច្រានចោលការទាមទារគ្រប់គ្រង់ដែនសមុទ្ររបស់ទីក្រុងប៉េកាំងនៅក្នុងសមុទ្រចិនខាងត្បូង ដោយអះអាងថា ប្រទេសចិនធ្វើនេះគឺ «ខុសច្បាប់» និងអះអាងថា សមុទ្រចិនខាងត្បូងមិនអាចត្រូវបានទាមទារដោយប្រទេសណាមួយដោយស្របច្បាប់ឡើយ ។ នេះបើយោងតាមប្រភពទីភ្នាក់ងារសារព័ត៌មាន Sputnik ដែលបានចេញផ្សាយនៅព្រឹក ថ្ងៃទី១៤ ខែកក្កដា ឆ្នាំ២០២០ នេះ ។
ស្ថានទូតចិនប្រចាំនៅសហរដ្ឋអាមេរិកនៅថ្ងៃអង្គារនេះបានចេញសេចក្តីថ្លែងការណ៍ស្តីពី ៖ «សេចក្តីថ្លែងការណ៍ថ្មីមួយដែលធ្វើឡើងដោយក្រសួងការបរទេសសហរដ្ឋអាមេរិកដោយទទូចថា ទីក្រុងវ៉ាស៊ីនតោនបានបំភ្លៃការពិតដោយមានចេតនាលើកយកនូវអង្គហេតុ និងច្បាប់អន្តរជាតិមកបំផ្លើសស្ថានភាពជាក់ស្តែងនៅក្នុងតំបន់សមុទ្រចិនខាងត្បូង ហើយការប៉ុនប៉ងនេះធ្វើឱ្យមានជម្លោះរវាងប្រទេសចិន និងបណ្តាប្រទេសជាប់ព្រំដែនផ្សេងទៀត ។
ឆ្លើយតបនឹងអ្វីដែលបានថ្លែងការណ៍ដោយទីក្រុងប៉េកាំងថា នេះជាការមិនយកចិត្តទុកដាក់ចំពោះកិច្ចខិតខំប្រឹងប្រែងរបស់ប្រទេសចិន និងអាស៊ាន ដើម្បីសន្តិភាព និងស្ថិរភាពនៅសមុទ្រចិនខាងត្បូងនោះ អ្នកនាំពាក្យរបស់ស្ថានទូតចិនបាននិយាយថា រដ្ឋបាលរបស់លោកប្រធានាធិបតី ស៊ី ជីនពីង នឹងប្រឆាំងដាច់ខាត ។
ស្ថានទូតចិនប្រចាំសហរដ្ឋអាមេរិកបានថ្លែងថា ៖ «នៅថ្ងៃទី១៣ ខែកក្កដា ឆ្នាំ ២០២០ ក្រសួងការបរទេសសហរដ្ឋអាមេរិកបានចេញសេចក្តីថ្លែងការណ៍មួយដែលមិនគោរពកិច្ចខិតខំប្រឹងប្រែងរបស់ប្រទេសចិន និងអាស៊ាន ដើម្បីសន្តិភាព និងស្ថិរភាពនៅសមុទ្រចិនខាងត្បូង ដោយមានចេតនាបំភ័ន្តការពិត និងច្បាប់អន្ដរជាតិ រួមទាំងអនុសញ្ញារបស់អង្គការសហប្រជាជាតិស្តីពីច្បាប់នៃប្រទេស ។
The US @StateDept’s statement on #SouthChinaSea deliberately distorts the facts and international law including #UNCLOS, exaggerates the situation in the region & attempts to sow discord btw #China and other littoral countries. We are firmly opposed to it. https://t.co/jDa3v1bX3I pic.twitter.com/VAr9dHqTRz
— Chinese Embassy in US (@ChineseEmbinUS) July 13, 2020
សេចក្តីថ្លែងការណ៍នោះបាននិយាយថា សមុទ្រ (UNCLOS) និយាយបំផ្លើសពីស្ថានការណ៍ក្នុងតំបន់ និងព្យាយាមធ្វើឲ្យមានជម្លោះរវាងចិន និងបណ្តាប្រទេសជាប់ព្រំដែនផ្សេងទៀត ។ ការចោទប្រកាន់នេះមិនសមហេតុផលទាល់តែសោះ ។ ភាគីចិនប្រឆាំងដាច់ខាតនឹងចំពោះករណីនេះ» ។
សេចក្តីថ្លែងការណ៍នេះបានបញ្ជាក់ម្តងទៀតនូវការអះអាងដែលថា ប្រទេសចិនបានប្តេជ្ញាចិត្តដើម្បីដោះស្រាយជម្លោះតាមរយៈការចរចា និងការពិគ្រោះយោបល់ជាមួយបណ្តាប្រទេសដែលពាក់ព័ន្ធដោយផ្ទាល់ ដោយកត់សម្គាល់ថា សហរដ្ឋអាមេរិកមិនត្រូវបានគេចាត់ទុកថា ជាប្រទេសមួយក្នុងចំណោមប្រទេសដែលបានលើកឡើងខាងលើនោះទេ(ប្រទេសដែលមានជម្លោះនៅសមុទ្រចិនខាងត្បូង) ។
ទីក្រុងប៉េកាំងបានបន្ថែមទៀតថា ៖«ស្ថានភាពសមុទ្រចិនខាងត្បូងនៅតែមានសន្តិភាព និងស្ថេរភាពហើយកំពុងតែធ្វើឱ្យស្ថានការណ៍មានភាពល្អប្រសើរឡើងវិញ ។ ប្រទេសចិន និងបណ្តាប្រទេសជាប់ដែនទឹកដទៃទៀតបានរក្សាការសន្ទនា និងការប្រាស្រ័យទាក់ទងតាមរយៈយន្តការពិគ្រោះយោបល់ស្តីពីកិច្ចការដែនសមុទ្រ និងបានធ្វើការលើកកម្ពស់កិច្ចសហប្រតិបត្តិការលើសមុទ្រចិនខាងត្បូងនៅក្នុងក្របខ័ណ្ឌ» ។
សេចក្តីថ្លែងការណ៍របស់ស្ថានទូតចិនបាននិយាយថា ៖«ការអនុវត្តសេចក្តីថ្លែងការណ៍ស្តីពីការប្រព្រឹត្តិរបស់ភាគីនានានៅសមុទ្រចិនខាងត្បូង ចិននិងអាស៊ានកំពុងជំរុញការពិគ្រោះយោបល់ស្តីពីក្រុមប្រតិបត្តិការណ៍នៅសមុទ្រចិនខាងត្បូង និងកំពុងរីកចម្រើនទៅមុខជាបណ្តើរៗ» ។
ប្រទេសចិនបានថ្កោលទោសម្តងហើយម្តងទៀតនូវសមយុទ្ធដែលធ្វើឡើងដោយសហរដ្ឋអាមេរិកនៅក្នុងតំបន់សមុទ្រចិនខាងត្បូង ដោយសារតែទីក្រុងវ៉ាស៊ីនតោនចាត់ទុកដែនទឹកជាអន្តរជាតិ និងធ្វើប្រតិបត្តិសមយុទ្ធដោយសេរី (FONOPs) នៅទីនោះ ដោយបានចុះហត្ថលេខាប៉ុន្តែមិនបានផ្តល់សច្ចាប័នជាផ្លូវការដល់ UNCLOS ទេ ។
សេចក្តីថ្លែងការណ៍របស់ស្ថានទូតចិនបានធ្វើឡើងថា បន្ទាប់ពីរដ្ឋមន្ត្រីការបរទេសអាមេរិកលោក Mike Pompeo បានច្រានចោលការទាមទារគ្រប់គ្រងដែនសមុទ្ររបស់ទីក្រុងប៉េកាំងជុំវិញតំបន់មានជម្លោះនៅសមុទ្រចិនខាងត្បូងដោយបានពណ៌នាអំពីសមុទ្រចិនខាងត្បូងថា ជាតំបន់ដែលគ្មានប្រទេសណាមួយអាចទាមទារបានដោយស្របច្បាប់ និងចោទប្រកាន់ប្រទេសចិនថា បានបន្តយុទ្ធនាការ«សម្លុត»លើប្រទេសដទៃទៀតដែលនៅសមុទ្រចិនខាងត្បូងដើម្បីគ្រប់គ្រងតំបន់ដែនសមុទ្រនេះ ៕
