យោងតាមរបាយការណ៍ផ្សេងៗបានឲ្យដឹងថា តារាសម្តែង Kelly Preston តារាហូលីវូដស្រីល្បីឈ្មោះដែលចូលរួមសម្តែងក្នុងរឿងកំប្លែងបែបរ៉ូមែនទិច «Jerry Maguire» ឆ្នាំ១៩៩៦ និងត្រូវជាភរិយារបស់តារាហូលីវូដ John Travolta បានទទួលមរណៈភាពហើយដោយសារតែជំងឺមហារីកសុដន់ ។ នេះបើយោងតាមប្រភពពីទីភ្នាក់ងារសារព័ត៌មាន Sputnik ដែលបានចុះផ្សាយនៅថ្ងៃទី១៣ ខែកក្កដា ឆ្នាំ២០២០ នេះ ។
លោក Travolta ដែលត្រូវជាស្វាមីតារាស្រីល្បីឈ្មោះរូបនេះបានសរសេរនៅលើទំព័របណ្តាញសង្គម Instagram របស់គាត់ថា «ខ្ញុំពិតជាសោកស្តាយណាស់ ខ្ញុំសូមជូនដំណឹងដល់អ្នកទាំងអស់គ្នាថា ភរិយាដ៏ស្រស់ស្អាតរបស់ខ្ញុំឈ្មោះ Kelly បានបាត់បង់ជីវិតហើយបន្ទាប់ពីការតស៊ូរយៈពេល២ឆ្នាំជាមួយជំងឺមហារីកសុដន់» ។
Kelly Preston សម្តែងក្នុងខ្សែភាពយន្តជាច្រើនរួមមាន Jerry Maguire, Twins’s 1988, Jack Frost, The Cat in the Hat និងខ្សែភាពយន្តជាច្រើនទៀត ។ នាង និងស្វាមីបានរៀបការអស់រយៈពេល២៨ឆ្នាំហើយមានកូន៣នាក់គឺកូនស្រី Kelly (អាយុ២០ឆ្នាំ), កូនប្រុស Benjamin (អាយុ៩ឆ្នាំ) និងកូនប្រុស Jet ដែលបានទទួលមរណភាពនៅអាយុ ១៦ ឆ្នាំក្នុងឆ្នាំ ២០០៩ ៕