ភ្នំពេញ៖ រសៀល ថ្ងៃ ទី ១១ ខែកក្កដា ឆ្នាំ ២០២០ លោក លី សុខ លេង ចៅក្រមស៊ើបសួរសាលាដំបូង រាជធានីភ្នំពេញ បានសម្រេចចេញដីកាឃុំខ្លួនលោក គង់ ខេមរា ចៅក្រមសាលាដំបូងខេត្តកោះកុង ដាក់ពន្ធនាគារព្រៃស(PJ)ជាបណ្តោះអាសន្ន ក្រោមការចោទប្រកាន់ពីបទ.មនុស្សឃាតដោយអចេតនា ពាក់ពន្ធករណីបើករថយន្តដេញបំបុកស្រីម្នាក់ដែលជាប់សថ្ស័យជាចោរឆក់កាបូប ។
ចៅក្រមស៊ើបសួរសម្រេចឃុំខ្លួនលោកចៅក្រមខេត្តកោះកុងនោះ បន្ទាប់ពីលោក គុជ គឹមឡុង ព្រះរាជអាជ្ញារងអមសាលាដំបូងរាជធានីភ្នំពេញ បានបើកការស៊ើបសួរលើសំណុំរឿងនេះចប់សព្វគ្រប់ នឹងបានចោទប្រកាន់លោក គង់ ខេមរា ជាផ្លូវការពីបទ.មនុស្ស ឃាតដោយអចេតនា កាលពីថ្ងៃទី១០ ខែកក្កដា ឆ្នាំ២០២០ ។
សូមបញ្ជាក់ថា សំណុំរឿងនេះតំណាងអយ្យការបានចំណាយពេលបើកការសាកសួរលើជនសង្ស័យអស់រយៈពេល១ថ្ងៃ ទើបបានចោទប្រកាន់ជាផ្លូវការ និងបានចាត់បញ្ជូនទៅខាងចៅក្រមស៊ើសួរ ដើម្បីបន្តនីតិវិធី ៕
